namal67@gmail.com

namal67@gmail.com
සටහන් පෙළගැස්ම‍ Prabath Rajasooriya

Tuesday, January 23, 2018

එඩ්වින් සමරදිවාකර නිර්මාණ ආවර්ජනා .......

මර්සලිනු ජයකොඩි පියතුමා  - සුනිල් සාන්ත - එඩ්වින් සමරදිවාකර - කරුණාරත්න අබේසේකර - ප්‍රේමකීර්ති ද අල්විස්‌  යුගයක විසිතුරු - (1956-1976)

ගී කව්පද රචනය ඇතුඵ වෙනත් සාහිත්‍ය රචනයන්හිදී කව්‍යාලාංකරණය තුලින් පරිසර වැනුම් සඳහා යොදා ගන්නා බස්‌ වහරේ නිතර උපයෝගී කරගන්නා සත්ව වර්ග නාමයන් කිහිපයකි


(රණ) මොනරා හෙවත් රණමයුරා (රණ) හංසයා හෙවත් රණතිසරා - සැළලිහිණියා ආදී මෙකි නොකී පක්‍ෂීන්ද මුව - වගවළස්‌ - සිංහ ආදී සිවුපාවුන්ද නයා පිඹුරා වැනි උරග ගණ නාමද ඒ අතර වෙති 

සත්ව මළකුණු බුදින පිළිකුල් සහගත උරග සමාජිකයා කබරයා එනම් කබරගොයා  ඉහත සත්ව ගණයා හා නොපෑහේ ඔහු සිංහල සාහිත්‍ය වංශ කථාවේ හමුවන චරිතයක්‌ නොවුවද හෙළ ජන ගීයේ නොසඳහන් නොවේ


ටිකිරි ටිකිරි ටිකිරි ලියා  - කලෙත් අරන් ළිඳට ගොයා......

ළිඳ වටකර කබරගොයා - කකුල කාපි දියබරියා.....

යන මේ අතිශය ජනප්‍රිය ජන කවිය අනුව යමින් වරෙක හෙළයේ මහා ගාන්ධර්ව ගුරුදෙවි සුනිල් සාන්තයන් මෙසේ ගැයුවේය


ටිකිරි ටිකිරි ටිකිරි ලියා  - කලෙත් අරන් ළිඳට ගොයා....

ළිඳ වටකර කබරගොයා - ටිකිරි දැකලා පැනලා ගියා.....

ටිකිරි - ටිකිරි - ටිකිරි  - ටිකිරි - ටිකිරි - ටිකිරි - ටිකිරි මලී.......

--------------

සවන්දෙන්න 

ගුවන් විදුලියේ ඊර්ෂ්‍යා පරවශ බලවේග විසින් 1950 දශකයේ උදාවේදී නෙරපා හැරි ඔහුගේ 60 දශකයේ අවසන් භාගයේ සිදුවූ  පුනාරාගමනයේදී බිහිවු මෙම ගීතය  එදා යුගයේ රසිකයන් ගේ ගී පවස සංසිඳවු නිර්මාණ අතර නිති රැඳී පැවතිනි

එහෙත් ඊට පෙර ඉහත මුල් ජන කවියේ ආභාෂය ලබමින්දෝ  ස්‌වර්ගස්‌ත ගරු මර්සිනු ජයකොඩි එනම් පන්සලේ පියතුමා ලෙසින් විරුදාවලිය ලද එකම කතෝලික පැවිදි උතුමා සිය සමිප ඇසුර ලැබු සුනිල් සාන්තයන්ගේ මියෑසි රටා අනුව මෙසේ ලියා තැබුවේය

කබරගොයා උගේ සුරතලී - සෙයා ඇදේ නගා දියසුළී......

නැඹුරු වි බලා කුඩා සුදුවළා  - ඔබේ රුවට වශී වෙලානේ....

යමු නැළවිල්ලේ නැළවිල්ලේ - නැළවිල්ලේ....

ඇදී ඇදී යන්න නදී රිදී තොටිල්ලේ.....


ඒ රසිකයන් බොහෝ දෙනෙකු දැනුවත් පරිදී ශ්‍රී ලාංකීය ප්‍රථම අව්‍යාජ හෙළ ගැමි සංස්‌කෘතිය විදහා පෑ සිනමා සිත්තම වු ආචාර්ය ලෙස්‌ටර් ජේම්ස්‌ පීරිස්‌ ගේ රේඛාව වෙනුවෙන් ඔහුගේ බලවත් ඉල්ලීම පරිදි එහි සත්සර මිහිර මවන්නට එකගත්වය පළකල සුනිලුන් ගේ කොන්දේසියක්‌ අනුවය

ඉන් දශක දෙකකටද පසුව එදා නව පරපුරේ යොවුන් ගී නාදයෙන් යව්වන රසිකයන් මන්මත් කල වික්‌ටර් රත්නායක ගේ ගීයකට පද මුසුකල ප්‍රේමකීර්ති ද අල්විස්‌ ද අඩුවැඩි ලෙසින් සිය පුර්වගාමීන් කළ කි දෑ ගුරු කොට ගන්නට ඇත


ළිඳ ලගටා යන්ට එපා දියබරියා කයි - වැට ලගටා යන්ට එපා කබර ගොයාඑයි.....

ගග ලගටා යන්ට එපා අභිමානා එයි - ගම හැරදා යන්ට එපා මා මෙහි තනිවෙයි......

----------------
සවන්දෙන්න 



රේඛාව රිදීතිරයේ ඇඳී තෙවසරක ඇවෑමෙන් එන්ම 1958 වසරේදී කළඑළි බට දස්‌කම සිනමා සිත්තමේදී මෙසේ ඇසුණු ගී හඞකි 

බඩ බිම තියා - තියා - යනවා - යනවා - කබරගොයා ............................

මනමාලියේ වෙලේ පිළිහුඞු හාමිනේ - මට තේරුනා බැලු කාරනේ ........................

ගොයම් පැසිලා කුඹුරේ - රන්වන් කරල් පැසීලා දිලේ ...................

හෝ හෝ ... රන්වන් කරල් පැසීලා දිලේ .............................

----------------
සවන්දෙන්න 

Music File Hosting - Play Audio -
ගී පද රචනා කලාවේ අටවැනි වස ගතකරමින් සිටි කරුණාරත්න අබේසේකරයන් එසේ ලියා තැබුවේ රේඛාවෙන් සිය කෝකිල නාදය නැංවු යව්වනිය ඉන්ද්‍රාණි විජයබන්ඩාර වෙනුවෙනි


එවකට ප්‍රේක්‍ෂක ප්‍රවණතාවය වු ද්‍රවිඩ වට්‌ටෝරු සිනමාවෙන් නොමිදුනු මෙකි නිර්මාණය ද දක්‍ෂිණ භාරතීය අධ්‍යක්‍ෂ නීලකණ්‌ඨන් ගේ වල්විලේ ඔරුනාල් කතා පුවතේ අනුකරණයක්‌ බව මහඇදුරු සුනිල් ආරියරත්න විසින් සඳහන් කර ඇත ලාංකීය මුල්ම සිනමා වෘතාන්තය වු කඩුවුනු පොරොන්දුව අධ්‍යක්‍ෂණය කල ඉන්දීය ජාතික ජ්‍යෙතිෂ් සිං එය මෙහෙයවනු ලැබීය

සිමාසහිත සිලෝන් තියටර්ස්‌ වෙනුවෙන් මුල් යුගයේ විකට නඵවෙකු ලෙස ජනාදරයට පත් බර්ට්‍රම් ප්‍රනාන්දු එහි නිෂ්පාදන අධිකාරි ලෙස කටයුතු කලේය


මේ සටහනේ පුර්වීකාව මෙසේ අවසන්කරමින් පිවිසෙන්නේ මේ සුමධුර නාදමාලාවේ නිමැයුම්කරුවා ගේ පුවත කියාපානු පිණිසය

ඔහු යව්වනවිය පසුකර යන්නටද පෙර මෙහෙවර නිමා නොකර නික්‌ම ගිය සංගීතඥ එඩ්වින් සරමදිවාකරයන්ය 

1916 වසින් ඇසළ මස 22 දිනදී බස්‌නාහිර පළාත්බද වත්මන් ගම්පහ දිස්‌ත්‍රික්‌කයට අයත් කටාන ග්‍රාමයේ ජන්ම ලාභය ලැබු සමරදිවාකර ඒ දිස්‌ත්‍රික්‌කයේ අනෙත් අන්තයේ දොම්පේ පැලහැල වලව්වේ විලියම් සමරදිවාකර සහ කටානේ පී ඩී එලිසබත් දම්පතීන්ගේ පුතණුවන්ය

කිතුණු ජනසංයුතියෙන් සාර වූ මීගමුවේ කිතුගොස නැංවු මාරිස්‌ටෙලා විදුහලින් අකුරු කල හෙතම සිය  පියාණන්ගේ වයලීන් වාදන මිහිරෙන් මන්මත්ව ආත්මීය ජන්ම වාසනා මහිමයෙන් ලද ශිල්පීය ඥානය උපයෝගී කරගනිමින්දෝ ගුරු ඇසුරකින් තොරවම ජපන් හා ඉන්ග්ලිෂ් මැන්ඩලීනය හැඞවීය

සුප්‍රකට සඳලංකාවේ සුබසිංහ පවුලේ සාමාජික ටියුඩර් සුබසිංහ රාළහාමි ගේ මග පෙන්වීමෙන් නයිනමඩමේ ජේ කේ එස්‌ පෙරේරා නම් සංගීත ගුරුවරයා යටතේ ක්‍රමවත්ව සංගීතය හැදෑරිය

වද්‍ය භාන්ඩ ඇසුරේ විවිධ අත්හදාබැලීම් කරන්නට නොහිම් ආශාවකින් පෙළෙන්නට වූ හෙතම වරෙක ජපන් මැන්ඩලීනයක්‌ වයලීනයේ අඵවෙන් වයන්නට උත්සහ දැරීය

එක්‌තරා දිනක ගුවන් විදුලියෙන් ඇසුනු සුමියුරු වාද්‍ය සංගීතයකි සිදුවිය යුතු ලෙසම ඊට වද්‍ය වෘන්දයක සහය ලැබිය යුතුය යමෙකුට එසේ හැගී ගියද ඒ වැඩසටහන මෙහෙයවු ප්‍රවිණ පුරෝගාමි නිවේදක ඩී ඇම් කොළඹගේ එසේ නොවීය එය ඔහු දෙබැම හකුඵවාලු විස්‌මයජනක දසුනකි

එක්‌තරා යව්වනයෙක්‌ සිය පාදයක ගෙජ්ජි වැලක්‌ රුවාගෙන එය හඞවන්නේ අතදැරි වයලීනය වයමින් නර්තනයක යෙදෙමිනි වහා ගොස්‌ අසල තිබු මැන්ඩලීනය ගෙන එය වයන්නට පටන් ගත්තේය යළිත් වයලීනය අතදරා එය වයන්නට විය ඔහු  අන් කිසිවෙක්‌ නොව මේ යව්වන එඩ්වින් සමරදිවාකරය

ටියුඩර් සුබසිංහ රාළහාමි ගේ ආශීර්වාදයෙන් භාරතයේ ශාන්ති නිකේතනය වෙත යොමුකරනු ලැබු සමරදිවාකරයන් ගේ අභිනව ගුරුවරයා වුයේ සුසිල් කුමාර් හංජා චෞද්රිය

එහි ශිල්ප හදාරනු පිනිස සැපත් වු භාරතයේ යසිසුරු ලත් ප්‍රභූ පවුලක සාමාජිකාවක්‌ වු ප්‍රීතී ඝෝෂ් සුප්‍රකට ටාටා සමාගමේ ඉංජිනේරු සිය පියාණන් ඇතුඵ පවුලට එරෙහි වෙමින් සමරදිවාකරයන්ගේ සෙවණ ද රැකවරණයද පැතීය 

විනයවිරෝධියෙකු බවට පත්ව තාගෝර් සෙවණින් නෙරපා හරිනු ලැබ සිටියදී චෞද්රි ගුරුවරයා සිසු දරු පෙම් උපදවා සිය ප්‍රියතමයා වෙනුවෙන් මැදිහත් වහා මැදිහත්විය

හෙළද්වීපය නිදහස්‌ අරුණඵ ලැබ වසරක ඇවැමෙන් පෙරළා පැමිණි මේ නවයුවල බටහිර වෙරළ තීරයේ නගාරාශ්‍රිතව සංගීත පාඨමාලා ඇරඹීය

ඔහුගෙන් ස්‌වරඥානය ලබන්නට වසනා මහිමය ලද්දෝ අතර පසුව හෙළ ගීතයට අපිරිමිත සේවයක්‌ කල ලයනල් අල්ගම සහ ශාන්ති දිසානායකද මෙන්ම ජේර්ජ් පල්ලේවත්ත එච් එම් පියසේන වැන්නෝ ද සිටියහ

ලංකා ගුවන් විදුලියේ ස්‌ථාවර වාද්‍ය වෘන්දයක පහළවීම සිදුවුයේ සමරදිවාකරයන් ඒ හා බැඳුනු 1952 වසරේ දීය ඒ වනවිට සුනිල් සාන්ත නම් මහා ගාන්ධර්වයාද එයින් නික්‌ම ගොස්‌ සිටියේය

මේ වාද්‍ය වෘන්දයේ සාමාජිකයන් අතර

ජේ ඒ පොඩි අප්පුහාමි  - (තබ්ලා) - ගායන ශිල්පී ජේ ඒ මිල්ටන් පෙරේරා ගේ පියාණන්

ඇම් ඒ පියදාස  - (වයලීන්)

සදානන්ද පට්‌ටිආරච්චි (දිල්රුබා)

ඒ ජේ කරීම් - (ක්‌ලැරිනට්‌)

ඩී ඩී ඩැනි - බටනලා 

යන පසුව හෙළ ගීතය පොබකරන්නට දායකත්වය දැක්‌වු සාමාජිකයන් ගෙන් සමන්විත විය


ශ්‍රී චන්ද්‍රරත්න මාණවසිංහයන් ඇතුඵ කන්ඩායම මේ යුගයේ එනම් 50 දශකයේදී ගුවන් විදුලියේ නවාංගයක්‌ වු ගීතනාටක රචනා කිරිමේ යෙදී සිටියහ ඔහුගේ සෝණගං තීරය ගීත නාටකය මියෑසි නාද රටා සමරදිවාකරයන්ගෙනි ගැයුම පුෂ්පාරාණී ආරියරත්නගෙනි

සුළග හමා ළපලු නටයි  - රහස්‌ කියා ආදරේ

ලලිත ලතා මඩුලු පෙනෙයි - සෝණ ගගේ ගං තෙරේ

සවන්දෙන්න 

මෙකී දශකයේදී  ගුවන් විදුලියේ රවින්ද්‍රනාත් ඨාකුරයන්ගේ ගීත ගැයූ වංග ජාතික ප්‍රිතී ඝෝෂ්  - එඩ්වින් කැදැල්ලට එකඵ කලේ ග්ලැඩ්වින් සහ ඩොනල්ඩ්ය 

තමා පෞද්ගලික දිවිය හා ගීත කලාව එකක්‌ම ලෙසින් සැලකු සමරදිවාකරයන් දිවා  - රෑ ඒ වෙනුවෙන් ගතකලේය නිදිවැරුවේය හෘදරෝග සම්බන්ධයෙන් ලැබුනු අනතුරු හැගවීම් නොතකා හරිමින් සිය සුපුරුදු දිනචරියාවෙන් බැහැරව යන්නට අදිමදි කලේය

ළමාකාලයේ සිට සිහින මැවූ ලෙස සංගීත ශිල්පයේ විවිධ අත්හදා බැලීම් පුඵල් කරමින් දිල්රුබාව සහ එස්‌රාජයේ මුලධර්ම එකමිටට මුසුකරවා තැනු වාද්‍ය භාන්ඩයට දිල්රාජ් යෑයි නම් තැබිය වරෙක සාම්ප්‍රදායික පංච තුර්ය නාද මන්ඩලයේ වාද්‍ය භාන්ඩයක්‌ වූ හොරණෑව වඩාත් ක්‍රමවත් කරන්නට පියවර ගත්තේය

මේ යුගයේ හෙළයේ මුල් පිටුව හොබවමින් සිටියේ එහි පහළ වූ අභිනව දේශපාලන පක්‍ෂය එනම් ශ්‍රී ලංකා නිදහස්‌ පක්‍ෂයයේ පුරෝගාමියා වු එස්‌ ඩබ්ලිව් ආර් ඩී බන්ඩාරණායක සිරිමතුන්ය සහසිකයෙකු ගේ වෙඩි පහරකින් මෙළොව දිවිය නිමා කරන්නට සිදුවු ඔහු වෙනුවන් සෝ ගී මාලා ලියෑවිනි ගැයිනි ඊට සුනිල් සාන්තයන් ද තවත් අයද සහභාගි වෙද්දී ස්‌වර රචනයෙන් දායකවන්නට සමරදිවාකරයන් වර ලැබීය

එතැන් සිට දොළාස්‌ දිනක්‌ සටහන් කරමින් හිරු නැග බැස යද්දී දිනක ගුවන් විදුලි කාර්යාලයේ යළිත් සෝ සුසුම් මාලා රැව් දෙන්නට විය ඒ එහි වාතලය සිසාර දිවගිය ගී හඞ අතරේ මුසුවෙමින් ඇදිගිය එඩ්වින් සමරදිවාකරනම් මේ ජවසම්පන්න ප්‍රතිභාපුර්ණ ගාන්ධර්වයාගේ   අවසන් සුසුම් පොද වෙනුවෙනි ඒ 1959 වප් මසින් 08 වැනි දාතමිනි

ඒ කුටුම්භයේ දරුකැළින් තෙවැන්නාගේ ආගමනය සිදුකරනු වස්‌ සිය මව්පිය තුරුළට වන් ප්‍රිති ඝෝෂ් හෙවත් සමරදිවාකර පතිනිය දරාගත නොහි කම්පිතව සිය සැමියාගේ දේශයට වෙත අවසන් වරට පියනැගුවේ ඔහුට සමුදෙන්නටය

සිය පෙම්බර සැමියාණන් පණ සේ සුරැකි වාද්‍ය භාන්ඩ ඔහුගේ ම ගෝල පිරිස වෙත පරිත්‍යාග කලේය ඔහු නිදන තැන ස්‌මාරකයක්‌ ගොඩනගා මතු කිසිදින ලක්‌දිව පා නොතබනු පිනිස සිය මව් භුමිය වෙත නික්‌ම ගියාය

සිය පියාණන් ගේ උනුසුම් සුව පහස ලබන්නට වරම් නොලද  දියණිය රූමා පිළිබඳ නොපැහැදි මතකාඅවර්ජනය සිදුකලේ සමරදිවාකර ගෝල පිරිස විසිනි

එඅයුරින් අකලට මිලිණව ගිය අමිල හෙළ ගී කුසුම එඩ්වින් සමරදිවාකරයන් පිළිබඳව පසුදිනක ශ්‍රී චන්ද්‍රරත්න මානවසිංහයන් මෙසේ ලියා තැබූවේය

ඔහුගේ ඇගපත පුරා සංගීතය කිඳි රැඳී විහිදී තිබුණේය එය එහෙම පිටින්ම මධූර මෝහනයකි
සමරදිවාකර වැනි කලාකරුවන් කවර ජාතියක වුවද පහල වන්නේ කලාතුරකිනි කලාකරුවෙකු තුල සහජයෙන්ම තිබිය යුතු සියඵ දස්‌කම් සමග නියම ගති ගුණ ඔහු තුල තිබුණේය
ඔහුගේ චරිතයත් සංගීතය මෙන්ම මිහිරිය ඔහුගේ කථාබහ ඉක්‌මන්ය වැඩකටයුතු ඉක්‌මන්ය ඓහෙත් ඒ සියල්ලේම ව්‍යක්‌ත භාවයක්‌ තිබුනේය

ඔහුගේ අභාවය ගැන සැළවෙනවාත් සමගම ඔහුගේ පූණ_ ප්‍රභාවයෙන් යුතු අවසන් දර්ශනය මා සිත ඇඳි ගියේය කඵදු දහරා ගලා ගියේය මිහිරිතම කලාකරුවෙකුගේ මළගමය ඒ

එඩ්වින් සමරදිවාකරයන් විසින් තනු නිර්මානය කරන්නට යෙදුනු එකම සිනමා සිත්තම වු දස්‌කම වෙනුවෙන් ඔහු තැනූ සියඵ ගී සය දශකයක ඇවැමෙන් අදද එදාමෙන් එකසේ දිවමන්ය නිති නිති රසික හද පිනවයි සුභාවිත ගී රසය පොබයයි) ඒවායේ සියඵ ගී පද රචනා නැසිගිය කරුණාරත්න අබේසේකරයන් වෙතිනි ඔහු ඇදහු පිළිපැදී බුදුදහමේ ඉගැන්වෙන අනියත බව මතුකර දක්‌වන්නට එයින් උත්සහ කොට තිබේ

මඩ දිය පිපුණට - පිරිසුදු කිරිසුදු ඕලු.....

   රජ සිටු දූවරු - වරළස පළඳා ලංකාර වේදෝ......

   (ජී එස්‌ බී රාණි පෙරේරා)

--------------

සවන්දෙන්න 


 ඉපිද මැරේ යළි ඉපිදේ - නොතිර සසර සාගරේ.......

   නොතිර සසර සාගරේ - අතරතුරේ නෙමැරි මැරේ දස දහස්‌ වරේ......
   නිසල නැසේ සසල වෙතේ - නෙතිර සසර සාගරේ..........

(පද්ම ශ්‍රී පන්ඩිත් අමරදේව)

---------------
සවන්දෙන්න 


(උපුටාගැනීම හා සේයාරූ සහ වැඩිදුර විස්‌තර සඳහා - ගාන්ධර්ව අපදාන  -03 - මහචාර්ය සුනිල් ආරියරත්න) 
(හෘදයාංගම ස්‌තුතිය - මහඇදුරු සුනිල් ආරියරත්න වෙත)

Tuesday, January 16, 2018

වජීරා බාලසූරිය එදා ගැයු ගී රස මිහිර......

සැටවසක ට පෙර එදවස -  සවනත සුවදෙන සත්සර වජ්රය  1952


ආනන්ද සමරකෝන්  - සූරියසංකර් මොල්ලිගොඩ - සුනිල් සාන්ත - දේවාර් සුරියසේන -නෙඵම්දේවී - සරණගුප්ත අමරසිංහ  - වින්සන්ට්‌ සෝමපාල  - අමරදේව යන මේ නාමාවලියේ සාමාජිකයන්  අතරින් බොහෝ දෙනෙකු වත්මන් රසිකයන්හට ආගන්තුක විය හැකිය 

සිංහල සංගීතය වෙනුවෙන් ඔවුන් කළ කි දෑ එයින් එහි ප්‍රගමණයට ඇති වු බලපෑම යනා දී මේ කරුණු සාමාන්‍ය ගී රසිකයන් හට නොවැදගත් යෑයි ඔවුන් විසින්ම තීරණය කරති ගීතය රසවිඳිමින් හෝ නොවිඳිමින් ඔවුන් මේ ශිල්පීන් ගේ එදා යුගයේ ගී සවන්දෙති 

ඒ අතරින් ඇතැම්හු ගීතයක හදවත බඳුවන් රිද්මය - තනුව ඉවත ලා එහි  පදමාලාවේ අපුර්වත්වය අගයමින් එහිම ඇලී ගැලී සිටිති

එදා ඇසුණු එවන් ගී රසවිඳින අද රසිකයන්ද ඉහත වයස්‌කාන්ඩයේ හෝ ඊට තරමක පහළින් සිටියද ඔවුහු සිය දිවියේ ප්‍රඥා දශකයේ රැඳි සිටින්නන්ය ඒ අනුව ගීතය නම් කලා නිර්මාණය අගයද්දී අගතිගාමී නොවී මධ්‍යස්‌ථව සිය නැණැස මනා ලෙස යොදවා එහි රසය උකහගැනීම වැදගත්ය

ඉහත නාමලැයිස්‌තුව නියෝජනය කරන ඇතැමුන් දැවැන්තයන්ය ඔවුහූ සිංහල සංගීතය නමැති ජලප්‍රවාහයේ  දිශානතිය හැරවු මහාවේලී වැන්න

ඔවුන් ගියමග යන්නට සැදී පැහැදී සිටි අනුප්‍රාප්තික ශිල්පී ලැයිස්‌තුවට එදා ඇතුළත් වු නාම කිහිපය අතර

එන් කේ කාරියවසම් - තිලකසිරි ප්‍රනාන්දු සහ ජී ආර් එඩ්වඩ් -ඩබ්ලිව් එෆ් විමලසිරි - වසන්තා සන්දනායක - පුෂ්පරාණි ආරියරත්න - ශීලා පීරිස්‌ - ස්‌වර්ණා ද සිල්වා - කමලානි පෙරේරා  - ප්‍රිම්රෝස්‌ ජයසිංහ - චන්ද්‍රා ද සිල්වා සහ වජිරා බාලසූරිය වැන්නවුන් ද වෙති 
 ඔවුහු ඒ යුගයේ සමකාලීනයන් වු අතර ග්‍රැමෆෝන් යුගයේ පසු භාගය නියෝජනය කලහ


ඩබ්ලිව් එෆ් විමලසිරි නම් අප්‍රකට සංගීතඥයා පිළිබඳව ලුහුඞු සටහනක්‌ තැබීම හොබනේය ඔහු පන්ඩිත් අමරදේවයන්ගේ ද නිජභුමිය වු මොරටුවේ කොරළවැල්ලේ වැසියෙකි ඩබ්ලිව් ඩී ඇල්බට්‌ පෙරේරා පසුව අමරදේවයන් ලෙස ගී ලොව අබිසෙස්‌ ලැබු අයුරින් විමලසිරි ද ඊට පිවිසෙන්නට පෙරාතුව දෝ  අර්නස්‌ට්‌ ප්‍රනාන්දු නම් වුයේ යෑයි අමරදේව චරිතාපදනය ලියු ආචාර්ය නුවන් නයනජිත් කුමාර විසින් සටහන් කරනු ලැබ තිබේ

රාත්‍රියේ මුල්පැය කිහිපය ගෙවිගොස්‌ සිය දවසේ වැඩසටහන් නිමා කරනු පිනිස සැරසෙන ගුවන් විදුලිය ශ්‍රාස්‌ත්‍රිය සංගීතය නමින් විනාඩි පහළොවක වැඩසටහනක්‌ විකාශය කරනන්ට පුරුදුව සිටියේය ඒ මින් දශක තුනකටත් එපිට යුගයකදී මේ වැඩසටහන සම්පුර්ණයෙන්ම හින්දුස්‌ථානී ශෛලියේ ශුද්ධ සංගීතය වෙනුවෙන් වෙන්කර තිබිනි 

භාරතයේ භාත්ඛන්ඩේ සංගීතායතනයේ ඩිප්ලෝමාධාරීන් විසින් එය මෙහෙයවන ලදී ඩබ්ලිව් එෆ් විමලසිරි ද එදවස එහි වාදන රටා මැවු වෘත්තීය ශිල්පීන් ලැයිස්‌තුව නියෝජනය කලේය

මේa විමලසිරි වෙනුවෙන් දදියළිදු වරෙක අමරදේවයන් වෙනුවෙන්ද යුග ගී හඞ සහයිකාව බවට පත් වු සුන්දර යුවතියකි ඇය

විද්වත් මතය අනුව සිහල භාෂවේ අක්‍ෂරහෝඩියෙන් හටගැනෙන ඇතැම් ශබ්ද අතිශය කන්කඵ ලෙස ඇයටම ආවේනික ශෛලියකින් උසුරුවන්නට සමත්කම් පෑ ඇය ගේ ඒ හැකියාව ඉක්‌මවායන්නට සමත් වු ශිල්පිනයක්‌ එකළද පසුවද නොවු බව කියෑවෙයි

ඇය නම් වජීරා සෝමා බාලසූරිය ගුරු මාතාවයි දැනුමැති රසිකයන් ඇයව නොහඳුනන්නේ නොවේ ඒ එකල ගුවන් විදුලියෙන් ඇසුණු රසාංගයක්‌ වු ගීත නාටකයක ට පබැඳුනු අපුරු නිර්මාණයකි 

ශ්‍රී චන්ද්‍රරත්න මානවසිංහ නම් දැවැන්ත බස්‌ වෙසරදයාණන්ගේ පන්හිඳෙන් ගලා ආ එය 

ප්‍රේම තටාකේ මේකයි මැණිකේ ..................... යන පෙර ගැයියෙන් දෙසවන් කර පියඹා ආවේය 

එහි ගැයුම් රස මතුකල පන්ඩිත් අමරදේවයන් ගේ සහයිකාව ඇයයි

එපමණද ?

කිසිසේත් නැත...

ඇය එකලාව හඞ අවදිකරන්නට ද වරම් ලැබීය 


අම්මා මාව දොයිකරන්න හදපු හැටි අගේ.....

දොයි දොයි දොයි කියලා - බයි බයි බයි කියලා.....

උකුල උඩින් හොවාලා - වතුර ටිකක්‌ පොවාලා........


සවන්දෙන්න මෙතැනින්
-----------------------



වඳිමු සුගත සෑසි පියා  - සුදු අරලිය මලින් පුදා......


සසර දුකින් එතෙර වන්න - පතමු නිවන් සැපත සැමා........

අසන්න මෙතැනින්
----------------



සාදු සාදු මා බුදුහිමි සමිඳා - දෝත නගා පුද දේ ......


තුන්ලෝකේ අගරාජා.......
අසන්න මෙතැනින්
----------------



මේ හඞ සපිරි ගීත නිරතුරු ගුවන සිසාරා පැතිර ගිය කලෙක්‌ විය ...ඒ එදා ය ගී රසවින්දන නම් මහා සාගතය හසුවි වසර ගණනක්‌ එහි දුර්විපාක විඳ එය මැළවී ගියවුන් මේ රසය කෙසේ විඳගනු ඇද්ද ?

අංකුර කලා රසවතුන්ගේ කෙම්බිමක්‌ වු කැළණි පුරවරයේ සාන්ත පාවුලුවෙන් අකුරු කල ඇය ගුවන් විදුලියේ ආධුනික ගී ගායනා තරගයකින් සිය පළමු කඩුල්ල තරණය කළාය ඒ 1952 පමණ යුගයේදීය

චිත්‍රසේනයන් වෙතින් නර්තනය ද හදරා එහි ම දියත්වු ඇල්බට්‌ පෙරේරා ගේ හෙවත් අමරදේවගේ සංගීත සිප්හල වෙතින් ගායනයද හැදැරුවාය

එදවසම 

සඳපානේ වැලිතලා- සුරකුමරියො මල් සලා.....

මිහිරි ලලිත ගී- ගයා නටති මේ රැයේ .........

අසන්න මෙතැනින් 
-------------------


හෙළයේ මහා සුබස්‌ ගුරු පියාණෝ කුමාරතුංග මුණිදාසයන් ගේ පදවැලක මිහිර පෙරදෙන්නට එසේ ඇය ඔහුට සහය වුවාය


එයින් නොනැවතී ඔවුහු යළිත් දිනක මෙසේ ගැයුහ


සිගිරියේ සිතුවම් රමණී - අති සුන්දර කීරති දැරු ලෝකේ ......

සිගිරියේ සිතුවම් රමණී.............


ඊට සවන යොමුකරන්න මෙතැනින්.............
-----------------------


කොලොම්බියා ග්‍රැමෆෝන් තැටි ලේබලයේ වජීරා නාමය නොසඳහන්ය ඇත්තේ සෝමා ලෙසිනි


1955 මහරගම ගුරු ඇබැසි විදුහලට ඇතුලත්ව එයින් ගුරුමව් වරම් ලැබ වේයන්ගොඩ මැදි විදුහල - රත්මලානේ ධර්මාරාම ව- ග්‍රැන්ඩ්පාස්‌ (කොළඹ 14) ස්‌ටේස්‌ පාර යන මෙකි විදුහල් හි රැඳෙමින් සිප්සතර බෙදා දුන්නාය

පසුව එම් බී එච් වාරියපොළ නම් අධ්‍යාපන නිලදරුවා සිය ජීවන සහකරු බවට පත් වු නිමේෂයේ සිය ගැයුම් රසකලස හිස්‌කර දැමුවාය ඒ උත්තරීතර මාතෘත්වයේ කිරුළ දරනු පිනිසය එයින් ඇය ලොවට දැයට රටට හිතැති වැඩැති දරු දෙදෙනෙකු බිහිකළාය

අගනුවර ශ්‍රි ජයවද්දන පුර රෝහලේ අති සුප්‍රසිද්ධ අක්‍ෂි ශල්‍ය ජිවකයාණෝ දුෂ්‍යන්ත වාරියපොළ ඇගේ දෙටු පුතුය පරිගණක මැවිසුරු පුබුදු මද්දුමයාය

(මාධ්‍යවේදී විජිත් කුමාර් සේනාරත්න ලියු සඳ මිදුලේ රන් මිවිත කෘතියෙන් ඔහු අවසරයෙන් උපුටාගනු ලැබීය)  

-------------------------------







Thursday, January 4, 2018

ගුරු ගුණ වරුණා......

ඔස්‌ටින් මුණසිංහ නිර්මාණ මියැසි රස ගුලාව ....... 07 දිගැහැරුම

මෙසමයේ සිංහල ගීතාවලිය සිය තැටි ගී සමය පසුකරමින් කැසට්‌ පට යුගයේ හිරිමල් විය ගතකරමින් සිටියේය ඒ වෙනුවෙන් අපිරිමිත දායකත්වයක්‌ ලැබ දුන්නේ සිමාසහිත සිංග්ලංකා සමාගමයි  එහි බර කරට ගත්තෝ අතර ක්‌ලැරන්ස්‌ විජේවර්ධන සහ ප්‍රවිණ ගී නිර්මාණකරු කුලරත්න ආරියවංශ ද විය ඔවුහු නන්දා මලනී ගේ නැවුම් ගීත ඇතුලත් කැසට්‌ පට පෙළක්‌ නිකුත් කරමින් සිටියහ


Add caption
එයින්  යාත්‍රා ලෙසින් නම්කෙරුණු ගීත සමුච්ඡය වෙනුවෙන් මහඇදුරු සුනිල් ආරියරත්නයන්ගේ පදපෙළක ස්‌වර මිහිර මවන්නට ඇරයුම ලැබුනේ ඔස්‌ටින්ය


අලය වන් මනරම් කවිකම් දෙන - සිතුමින කොද විස්‌කම් .................

හදවත් වී සමහන් මෙගැයුම් කර - සිඳ බිඳලවි බවගිම් ..............

පැණසර මහබෝසතුන් විරතට පැමිණ නොහිම් - පබවත වෙත බැඳෙමින් පුදදුන් උණුකදුළින් .........

ආලය නම් මනුදම් අදහම් නිති - එතැනය සබය සුදම් ........................


සවන්දෙන්න මෙතැනින් ....
---------------------


මිට සමාන ලයමානයකින් උපන් ඔහුගේ මෙකී දෙවන නිර්මාණයද ඉහත ගීය පරදවා රසික සිත් ආලෝලනය කරනු ලැබිය



හිතුමතේට දීග ගිය දුවේ - නුඹේ දුවත් හිතුමතේට දීග ගිය දිනේ......

පියාණනුත් මමත් මෙදා විඳින දුක දැනේ.....

ඇස්‌ දෙක වන් පුංචි දුවේ - නුඹ නැති ගෙය ගෙයක්‌ නොවේ......

ගෙයි ඇවිඵ පහන නිවේ - පපුවේ ගිනි පුළිගු දැවේ........

සවන්දෙන්න මෙතැනින් ....

---------------------


මෙවර ඔහු ගේ නිර්මානක්‍ෂිය යොමුවුයේ වෙසෙතුරු සිරිත වෙතටය

බාලේ පෙම්බර කොණ්‌ඩා බැන්දත්
තපසට නොගනිති වන්නා
දෙකනේ පුස්‌කොළ තෝඩු තිබුවත්
තපසට නොගනිති වන්නා


මල් යහන් කවි උදෙසා වැයෙන බෙරපද හා මෙකී නාද මාලාව ද  ගාරායක්‌ නැටුමේ කවි තාලය ද මුසුකරවා මෙහි ගී හඞ මතුකරවාගනු ලැබ තිබේ

සංගීතාචාර්ය ඔස්‌ටින් මුණසිංහ වෙත ලැබුනු තෙවැනි පත්විම සිදුවුයේ 1983 වසරේදී  කොල්ලුපිටියේ මහනාම මහ විදුහලටය එහිදි ඔහු ගේ කාර්ය භාර්යය වඩාත් පුඵල් ලෙස ඉටුකරගන්නට අවස්‌ථාව සැළසුනේ එහි එවකට විදුහල්පති කේ එම් ද සිල්වා මහතා ගේ ද නොමද සහයෝගය ලැබිමෙනි

මහානාම පාසල් ගීතයේ පද රචකයා විදුහල්පති කේ පී ද සිල්වා ලෙසත් තනු නිර්මාපකයා ඔස්‌ටින් මුණසිංහ ලෙසත් සටහන් වි තිබේ

එහි උදා ගුරු සිසු හමුවේ සම්ප්‍රදායික න්‍යය පත්‍රයට අනුව වැයෙන ජාතික ගීයේ සහ පාසල් ගියේ වාද්‍ය වෘන්දයේ සර්පිනාව සියතින්ම වැයුවේ සංගීතාචාර්යවරයා ලෙස එය සිය වගකීම ලෙස සලකමිනි

වසර පුරා එහි සිසුන් සමස්‌ත ලංකා මට්‌ටමින් හා වෙනත් සංගීත තරග සඳහා සුදානම් කිරීම එහි පැවැත්වෙන වෙනත් උත්සව සහ රැස්‌විම් හි සංගීත කටයුතු මෙහෙයවීම ආදි මෙකි නොකි වගකීම් රාශියක්‌ සිය උරමතට ගෙන කටයුතු කිරීමට ඔහුට සිදුවිය

යම් ආර්ථික අපහසුතා සහ අසිරූතා ඇති සිසුන් කෙරෙහි පීතෘත්වය කැටි වු දයාපරවශ හැගීමෙන් කටයුතු කරමින් හැකි සැම විටම සිය පෞද්ගලික මුදලින් ඔවුන් හට උදව් උපකාර කරන්නට කිසිවිටක නොපැකිළි විය කලා උළෙල සහ වෙනත් කටයුතු සඳහා ගොම්මන් අඳුර වැටෙන තුරු තමා හා රැඳි සිසුන් ගේ  වියහියදම් සපුරා දෙමව්පියන් අමතා ඔවුන් ආරක්‍ෂිතව සිය නිවස්‌ කරා පිටත් කර හරින්නට කටයුතු කලේය

සිය සිසුන් තමන් වෙතින් පෞද්ගලික අධ්‍යාපනය හැදෑරිමට යොමුවිම පිළිකෙව් කළ මුණසිංහයන් සැමවිටම කියා සිටියේ එය සදාචාරාත්මන නොවන බවත් තම යුතුකම උපරිමව පාසල තුලදී ඉටුකරන බවත්ය

සිය සිසු දරුවන්ට වෙත කෙරෙන කෙණෙහිළිකම් අසාධාරනකම් හමු වේ ඊට විරෝධය පා දැඩි ලෙස සංවේදී වු ඔහු උසස්‌ පෙළ  ප්‍රයෝගික පරික්‍ෂණයට මුහුණ දුන් සිසුවකු ට සිදුවු අකටයුත්තකදී ඊට මැදිහත් වී එය වහා නිවැරදි කළේය 

අදාළ පරික්‍ෂණයේදී බාහිර පරික්‍ෂකයා හමුවේ ඉතා නිවැරදිව සුසර කරගත් වයලීනයක්‌ මනහර ලෙස වයන සිසුවෙකුගේ වාදනයට මහත් ආශාවෙන් සවන් දී සිටි ඔහුට ඊලග මොහොතේ අසන්නට ලැබුනේ මෙවැනි නියෝගයකි

ඕක හරියට ටියුන් කරගෙන නෑ ...........මෙහෙ අරන් එනවා ඕක......................

අදාළ පුද්ගලයා සිසුවා ගේ වයලීනය නාදය වීකෘත කරවා යළිත් වාදනය කරන්නට අණ කරනු ලැබීය

නොසිදුවිය යුත්තක්‌ සිදුවෙමින් තිබෙනු අත්දැකි මුණසිංහයන් ද නොසිදුවිය යුත්තක්‌ කරන්නට පෙළඹිය ඔහු අදාළ කුටියට කඩා වැදිනි

ගන්නවා ඕක මෙහට ...... ආ .... දැන් ගහනවා 

ලග නිමේෂයේ කුටිය සිසාරා ගිගුම් දුන්නේ ඔහුගේ ගර්ජනාවයි 

යළිත් නිවැරදිව සුසර වු වයලීනය අතට ගත් සිසුවා එය වයන්නට විය

කෝපයෙන් දිදුලමින් පිටතට පැමිණි සංගීතාචාර්යවරයා පසුපස ආ පරික්‍ෂකයා නොඉවසමින් වචනයකුදු හෝ නොදොඩ එතැනින් මගහැර යන්නට ගියේය

ඒ අසාධාරනය අයුක්‌තිය නොඉවසු  දයාවෙන් සිහිල් වු මුණසිංහයන් ය

නැවතත් හමුවෙමු .....

Tuesday, December 19, 2017

ප්‍රවිණ සංගීතඥ මෙල්රෝයි ධර්මරත්න නිර්මාණ - 1977


එදා ඔහු මැවු අපමණ රස මිහිර........

නැසිගිය විජය රාමණායක ගී තැටි එකතුවෙන් - තරංගා  (Tharanga)


ශ්‍රි ලාංකීය වෙළඳ තැටි ව්‍යාපාරයේ ඊ පී (EP) ඛන්ඩය යටතේ නිකුත් කරනු ලැබූ ප්‍රමාණයෙන් සාපේක්‍ෂව කුඩා තැටි වෙළඳ පොලට ගලා ආවේ 60 දශකයේ මුල් භාගයේ සිට බව කියෑවෙයි

ජාත්‍යන්තර පිලිප්ස්‌ ලේබලය වෙනුවෙන් පැටි්‍රක්‌ කොරේරා ද 

පසුව

සූරිය ලේබලයෙන් ජෙරල්ඩ් වික්‍රමසූරිය ද 

ජෙම්ටෝන් ලේබලයෙන් විජයපාල හෙට්‌ටිආරච්චි ද 

සිල්වර්ලයින් නාමයෙන් කෙනත් පෙරේරා ද

නිව් සවුන්ඩ් හි ඊ බී ඩී කේ පෙරේරා ද




----------------
ධර්මරත්න සහෝදරයෝ සිය මව සමග 60 දශකය අගභාගයේදී  දකුණු කෙළවරේ සිටිනනේ මෙල්රෝයි ධර්මරත්නය
--------------------

මෙකී තැටි ව්‍යාපරයේ වෙළඳ පොල  ප්‍රමුඛයෝ විය  දශක පහක පමන කාලයක සිට රසික හද දිනු සුමධුර ගී නිර්මාණ සැළකිය යුතු සංඛ්‍යාවක්‌ බිහි කලේ මෙකී ලේබලයන් විසිනි

එය එදා ඇසුණු සම්පූර්ණ ගීත එකතුවෙන් සියයට හැටක පමණ ප්‍රමාණයක්‌ විය හැකි යෑයි අනුමාන කෙරේ සෙසු ගීතයන් ජාතික ගුවන් විදුලියේ නිර්මාණයන් වු අතර මේ දත්ත කැසට්‌ පට ආගමනය සිදු වූ 1978 වසර පමණ තෙක්‌ වලංගු විය  

පසුව සිංග්ලංකා ඇතුඵ කැසට්‌ ලේබල විසින්  නිමැයු ගීත නිසා ඒ දත්ත වෙනසකට බඳුන් විය

වෙළඳ තැටි ව්‍යාපාරය වෙත 70 දශකයේ පිවිසි සහෘදයා නැසිගිය විජය රාමණායකය ඔහු කොළඹ කොටුවේ වර්තමාන රීගල් සිනමා ශාලාව ට යාබද ව සිය තරංගා රේකෝඩ් බාර් ආයතනය පවත්වා ගෙන යනු ලබමින් මෙකී තරංගා ලේබලයෙන් තැටි නිකුත් කරනු ලැබීය

මෙම ව්‍යාපාර ජාලයේ සෙසු සාමාජිකයන්ගෙන් සුවිශේෂි ව සිංහල ගීත වංශයේ සිය නාමය සටහන් කරවාලන්නට දායක වුයේය

ඒ කෙසේද යත්  ශ්‍රී ලංකාවේදී මෙකී ගීත බෙදාහැරිමේ මාධ්‍යය වු තැටි තාක්‍ෂණයෙන් කැසට්‌ පටය වෙත යොමුවුයේ ඔහු එහි ප්‍රමුඛයෙකුව සිටි අවධියේ වීමත් ඒ අනුව මෙහි වෙළඳ කැසට්‌ මාධ්‍යයේ පුරෝගාමියා බවට පත් වන්නට එයින් ඔහුට අවස්‌ථාව ලැබීමත් නිසාය

ඒ අනුව කැසට්‌ පටයකින් නව ගී නිර්මාණ එළිදැක්‌වු පුරෝගාමියා වු විජය රාමණායක ඒ සඳහා එවකට යොවුන් ගී ලොවේ සිහින කුමරා මිල්ටන් මල්ලවාරච්චි වෙත ඇරයුම් කලේය

හෙත් ඔහුට ප්‍රථමයෙන් සූරිය ලේබලය විසින් සිය වෙලඳ තැටි ගී නැවතත් කැසට්‌ මාධයෙන් නිකුත් කිරීමේ ක්‍රමවේදය අරඹා තිබිණි 

සී ටී ප්‍රනාන්දු සහ වික්‌ටර් රත්නායක ගේ ස ප්‍රසංගය ඒ අනුව නැවතත් කැසට්‌ මාධ්‍යයෙන් එළිදැක්‌විනි

එසේම විජය රාමනායක දෙවැනි වෙළඳ තැටි නිර්මාණය  වෙනුවෙන් දායකත්වය දක්‌වන්නට ඇරයුම් ලැබුවේ ප්‍රවිණ සංගීතඥ මෙල්රෝයි ධර්මරත්න ටය

ඒ අනුව තරංගා ලේබලය වෙනුවෙන් නව නිර්මාණ 04 ක උපත සිදුවුයේ ප්‍රවිණ ශීල්පිනි ඉන්ද්‍රාණී පෙරේරා ගේ හඞිනි 

ඒ මෙසේය

01 නොනිඳා පහන් කලේ - පද රචනය කේ ඩි නිකලස්‌

02 කාලෝ -  පද රචනය මෙල්රෝයි ධර්මරත්න

03 ගිය ඉරිදා ඔබ - මෙල්රෝයි ධර්මරත්න 

04 සලා දෙතොල් (පුතු හිනැහෙනවා) -  කේ ඩි නිකලස්‌



සංගීතඥයා නම් රසවතා සහෘදයා  පදවැල නමැති සියපත  රිද්මය-තනුව නම් සිසිකිරණයෙන් නහවා පුබුදුවා දිදුළවන හිමකර වැන්න

එතැන් හි සිට එසේ පුබුදුවා දසත සුගන්ධවත් කරණ සියපත ඔහුගේම මිසක අන් කවරෙකුගේද ? ඔහු සිය ගී කුසුම් මාලා දාමය පිළිබඳව නිසැකවම උදම් වනවා ඇත

සංගීතඥයෙකුගේ ඒ කර්තව්‍යය කිසිලෙසකත් කවරකලෙකවත් ලඝූ කොට සැළකිය හැකි නොවේ  ඔහු පෙරා කළතා බෙදා දෙන ඒ ගී රසය නිසි ලෙස උරා බොමින් විඳගන්නෝ නොවී එය මතුපිටින් නරඹන්නෝ ද ස්‌පර්ෂ කරන්නෝද එය කෙසේ නම් දනීද ? හැඳිනගනීද ?

ඒ කටයුත්ත එතරම්ම සංකීර්ණය භාරදූරය පද අරුත උද්දීපනය වන ලෙසින් ඊට සුදුසු වාද්‍ය භාන්ඩ තෝරා සිය මනසේ ඇඳි රිද්මයෙන් බිහිවු ස්‌වර ලිපිය අනුව පෙළගස්‌වනු ලැබ අනතුරුව ඊට වඩාත් ම සුදුසු යෑයි තමාට හැගෙනා ස්‌වර පන්තියෙන් වයනු ලැබීමේ මෙකී කටයුත්තේ නිරතවන්නේ යම්සේද ඒ තරමට එහි රසය දියුණු තියුණු වන්නේය

අවසනාවකට මෙකී ක්‍රියාදාමය පිළිබඳව නිසිලෙස අවබෝධයක්‌ ලැබූ එහි අගය හා වැදගත්කම වටහාගත් ලංකීය සිහල ගී රසිකයන් අල්ප වන්නා සේම එයින් ඔවුහූ එකී ගී පුෂ්පයේ සුගන්ධය - පැහැය කිසිදා නොහඳුනන ජාතිඅන්ධයන් වැනිය ඔවුහු ඒවායේ පදවැල් නමැති පෙති පමණක්‌ ස්‌පර්ෂ කරමින් සෑහීමකට පත්වෙති එහි සිනිඳු බව පමණක්‌ අගය කරති

එය එසේ නම් කුමකටද සුගන්ධවත් පැහැබර ගී පුෂ්පමාලාවෝ ? යන පැණය හටගැන්ම නොවැළැක්‌විය හැකිය එහෙත් ලෝ පැවැත්ම උදෙසා එය සැමදා පැවතිය යුතුය

පෙරකී රසිකයන් කෙසේනම් එබන්දෝ වීද ?

මල්බර හිරිමල් වියේ සිට ඔවුහු නිසි ගුරු ඇසුර නොලබා මෙකි සත්සර මිහිර වෙතින් රසවින්දනය වෙතින් දුරස්‌ වීමම ඊට හේතුවිනිද ?

චතුර් පුෂ්පයකින් හෙබි ඉහත ගී කුසුම්දම් පුබුදුවා ලූ සිසි තෙමේ ධර්මරත්න සහෝදර ගායක කන්ඩායමේ නායක සංගීතඥ මෙල්රෝයි ධර්මරත්නයන්ය

හෙළ ගී ස්‌වර්ණදාමයේ කාන්තිය විහිදුනු 70 දශකයේ ගාන්ධර්ව පෙලේ සාමාජිකයෙකු වු ඔහු ද සෙස්‌සෝ මෙන්ම  සිය කටයුත්තේ වගකීම මනාව අවබෝධ කරගනු ලැබිය

ගායකයා තනුවට මනාලෙස අවතීර්ණ වන්නේද යන්නෙන් නොනැවතී

ගීතය ගැයෙද්දී වැයෙන්නට පෙළගැස්‌වූ වාද්‍ය භාන්ඩයන් එක එකෙන් නැගි එන තනි ස්‌වරය පවා ඊට නියමිතව පෙළගැස්‌වු ලෙසින් වැයෙන්නේද යන්න මතුද නොව එහි තිව්රතාවය සහ පරාසය පවා නිසි ලෙසින් සකස්‌ වි ඇද්ද යන්න පිළිබඳව දැඩි අවධානයෙන් සිටීම ද

වාදක මන්ඩලයේ සාමාජිකයන් ඒ සඳහා නියමිත පරිදි පුහුණුවී සූදානම් වී ඇද්ද යන්නද මතුනොව 

එක්‌ එක්‌ වාද්‍ය භාන්ඩය  එහි උපරිම කාර්යක්‍ෂමතාවයෙන් ක්‍රියා කරනු වස්‌  සුසර වි ඇද්ද යන මේ කරුණු කෙරෙහි උපරිම අන්දමින් සැලකිලිමත් විම ද 

යන මේ කරුණු එකී ගී නිර්මාණය අමරණීය බවට පත් කරනු ලබති

යම් සත්සර නිර්මාපකයෙකු නිති හදාරන්නෙකු  - විශ්ලේෂකයෙකු - තාක්‍ෂණවේදියෙකු වීමෙන් හා අත්දැකීමෙන් සපිරීමෙන්  එහි ප්‍රවිණත්වයට පැමිණෙයි ලෝ වටා පැතිර පවත්නා විවිධ සංගීත ශිල්පීය ක්‍රම -  ශෛලීන් - නාදජනන ප්‍රයෝග අතැඹුලක්‌ සේ මිටින් ගත හැක්‌කේ එයාකාරයෙනි


නොනිදා පහන් කලේ  .....

මේ මුඵ රෑ කවුරු නිසාදෝ....

නොනිදා පහන් කලේ....


සොඳුරු අතීතේ කඳුලින් ලියෑවුනු.....

මතක පොතේ රන්වන් පිටු පෙරළා....

ඉවුරු තලා ගිය සතුටු සිනා මැද....



සඳගිරි පවුවේ සඳකිඳුරිය සේ....

අශා සඵවෙන් සියොළග සරසා.....

මියුරු නුරා රස මා සිත පුරවා....


මධුසඳ කිරණේ සිසිලෙන් නහවා...
.
සුදුමල් කැකුළක මුවරද පුරවා....

මුවගොඵ වුන රෑ සිත දොඩමඵ වී........


අසන්න මෙතැනින්
------------------



අප්‍රිකානු ජන සංගීතය ඇසුරේ නිර්මිත ඉහත කී නිර්මාණයේ නාදරටා ට්‍රෙම්ලෝ ආර්ම් (Tremlo Arm) ක්‍රමය අනුව වැයෙයි 1960 දශකයේ ලෝ පුරා සංගීත කන්ඩායම් අතර අතිශය ජනාදරයට පත්වු වහ් වහ් පැඩලය (Wah ...wah... paddle ) හා ක්‍රියාත්මක ගිටාර් වාදන පෙළකින් එය සංගීතවත් කෙරී ඇත

එයින් කෙරෙන්නේ ගිටාරයෙන් හුදකලාව වැයෙන එක්‌ එක්‌ ස්‌වරය ළෙලවීමයි එනම් එය යම්තාක්‌ දුරකට විස්‌ථාපනය කරවා ප්‍රතිරාවය නැංවීමයි 

මේ ශිල්පීය ක්‍රමය ප්‍රවිණ සංගීතඥ නැසිගිය ක්‌ලැරන්ස්‌ විජේවර්ධන විසින් සිය මුල් නිර්මාණ සඳහා යොදාගනු ලැබ තිබේ

මුහුදු රැල්ල ඔස්‌සේ ඔරුවක්‌ පැද යනවෝ (ආරම්භක සහ අන්තර් ගිටාර් නාදරටාව)

සිහිල් නුවන් යුග (අන්තර් වාදනය ගිටාරයෙන්)

සඳයි තරුයි රැයයි හිරුයි මගේ මේ ලොවේ (ආරම්භක සහ අන්තර් වාදන)

ඉහත නිර්මාණයේ මෙම වාදන රටාව ක්‌ලැරන්ස්‌ ගේම සුපර් ගෝලඩන් චයිම්ස්‌ වාදක මන්ඩලය නියෝජනය කල අග්‍රගන්‍ය රිදම් ගිටාර් වාද්‍ය ශිල්පී ඩික්‌සන් ගුණරත්නයන් විසිනි

ඊට අමතරව මෙම ගීතය වෙනුවෙන්  පසුබිමින් තාල වාදනය සැපයෙන්නේ කොංගෝ බෙර හඩ නංවමිනි ඒ සංගීතඥ නැසිගිය ස්‌ටැන්ලි පීරිස්‌ ගේ ෆොaර්චූන්ස්‌ වාද්‍ය වෘන්දයේ නිත්‍ය වාදක  ප්‍රවිණ තාල තරංග වාද්‍ය ශිල්පී ප්‍රේමනාත් කොඩිතුවක්‌කු විසිනි ඔහු මර්වින් පෙරේරා සහ චන්ද්‍රා බන්ඩාර ගැයු හද ගී පොතේ පිටුවක්‌ ඉරා මුල් ගුවන් විදුලි නිර්මාණයේ තනු නිර්මාපකයාද සංගීත සංයෝජකයාද වෙයි


කාලෝ - කාලෝ .....

මින්මත්තේ අපේ ගේ පැත්තේ ඔබ එන්න එපා කාලෝ....

ඔබේහැටි හොඳහැටි මම දනිමි ඔබේ හැටි දනමී හොඳහැටි දනිමි.....

කාලෝ - කාලෝ.....

නුවන් අගින් හිනැහි මල් හි බැලුම් හෙලා.....

හෙමින් සැරේ ලංවී මායම් දැළින් වෙලා.....

කලින් කලේ මලින් මලේ යන පැණි බී ඉවත්වෙලා....

යන සමණළයෙකුගෙත් ඔබෙත් අතර වැඩි වෙනසක්‌ නෑ කාලෝ.....


රජෙක්‌ වගේ නිරතුරු පුදසුන පිළිගනිමින්....

මැණික්‌ මුදල් වස්‌තුව සිය රජ දහන කරන්....

දුකක්‌ කියා දෙයක්‌ නොවේ දුක හඳුනන විලසින්....

ජීවත් වන ඔබෙත් මගෙත් ලොකු වෙනසක්‌ නෑ කාලෝ.........


කවුරුද මේ කාලෝ ?

------------------------------------
පද සංකල්පනාව - මෙල්රෝයි ධර්මරත්න

තනු රටාව සහ සංගීත මුසුව - මෙල්රෝයි ධර්මරත්න

ගායනය- ඉන්ද්‍රාණි පෙරේරා

ලේබලය - තරංගා

යුගය - 1977
------------------------------------------------

අසන්න මෙතැනින්
----------------

Free Music - Download Audio -

එදවස නාගරික සංකර යෞවනයේ එකී  සංස්‌කෘතියේ සංකේතයකි කාලෝ ඔහු නවීන විලාසිතාවෙන් සිය ගත සරසා හැඩවැඩ වෙමින් ඇස්‌පැහැර ගන්නා මෝටර් රථයක ගමන් බිමන් යමින් යොවුන් ළඳුන් සිය වසගයට ගන්නා සළෙලකි 


අහිංසක ගැමි ළඳුන් කාලෝ ගේ වසගයට පත්වූවද මේ යුවතිය එසේ නොවේ ඇය ඔහුට අභීයෝග කරයි 

මෙහි වැයෙන අන්තර්වාදනයෙන් සිනමාලෝලි ඔබ ට එදවස රිදී තීරයේ ඇඳුනු උද්වේගකර දර්ශන මැවි නොපෙනේද ?

පෙම්වතා වෙත දුෂ්ඨයා එළෙඹෙමින් කරණ වීසුකදස්සන  ?



එය එසේ නම් මේ නිර්මාණවේදියා ගේ ප්රයන්තය ඵල දරා තිබේ

 තෙලදසුන සිහිනයක්‌ වු අදින් වසර 40 ක අතීතයට  ඔබ පියමං කරද්දී මෙයින් සවනින් සළරු දසුන් පෙළක අසිරිය ලබනවා ඇත


මේ නිර්මාණ ද්විත්වය  වෙනුවෙන් හඞ මුසු කල ප්‍රවිණ ගායිකා ඉන්ද්‍රාණි පෙරේරා මේ නිර්මාණ ද්විත්වය යළි නොගැයිය වෙළඳ කැසටයකට හෝ සංගත තැටියකට හෝ මතු නොව එදා ද පසුවද ප්‍රසංග වේදිකාවේදී ගැයෙන ඉන්ද්‍රාණි වේගරිද්ම පොප් ගී සැරියේ දී මෙම නිර්මාණ යුගල හුදකලාවුවද ඒ මිහිර විඳි එදා වෙලඳ තැටි ගී රසිකයන් මෙන්ම වසර 40 කට පසු අද රසික ඔබද ඒවා නිති අගයනු නිසැකය


ප ලි - සිනමාවේදියෙකු කවියෙකු පුවත්පත් කලාවේදියෙකු වු කේ ඩි නිකලස්‌ 2013 වසරේදී මෙලොවින් සමුගෙන ගියේය



මුලාශ්‍ර - ප්‍රවිණ සංගීතඥ පුවත්පත් කලාවේදී ගීතරචක මෙල්රෝයි ධර්මරත්න



ගී මුතු මාලා - 20 දෙසැම්බර් 2017


Tuesday, December 5, 2017

සත් සමුදුරෙන් එතෙර රැව්දුන් මුණසිහ සත්සර ....06

ඔස්‌ටින් මුණසිංහ නිර්මාණ මියැසි රස ගුලාව ....... 06

ඈත ලොවක සිට හිනැහෙන හඞින් සුවය වේවා ................  06 කොටස

මේ අතර පත්වූ නවරජය විසින් දියත් කෙරුණු වැඩසටහන් ගණනාවක්‌ අතර ඉහළින්ම රැඳුනේ  රණසිංහ ප්‍රේමදාස අභිනව අග්‍රමාත්‍යවරයාගේ ගම් උදාව ව්‍යාපෘතියයි  ඔහු කලා ලෝලියෙකි රසවතෙකි නවකථාකරුවෙකි කවියෙකි

-------------
සංගීතඥ ඔස්‌ටින් මුණසිංහ ජපානයේ පැවති සංගීත උළෙලකදී
ආමාත්‍ය ඒ ජේ රණසිංහ (ටයිපටියක්‌ පැළඳ) පන්ඩිත් අමරදේව ගායිකා චන්ද්‍රාණී ගුණවර්ධන ද සේයාරුවේ වෙති
----------------------




නුර්ති සහ වේදිකා නාට්‍ය ගීත සයුරේ කිමිදි ශිල්පීන් අතර ඔස්‌ටින් මුණසිංහ නාමය ද නිතැතින්ම ලැයිස්‌තුගතවේ 1979 වසරේ එක්‌තරා දිනක මේ රංගනශිල්පීන් ගේ සාදයකදී සර්පිනාව වයමින් සිටි ඔහු දෙස මහත් ඕනෑකමින් දෑස්‌ හෙලා සිටි පුද්ගලයෙකි බලවතෙකි කලාලැදියෙකි 


ඒ ජේ රණසිංහ නම් වු ඔහු අග්‍රමාත්‍ය ප්‍රේමදාස යටතේ ක්‍රියාත්මක වු මරදානේ ටවර් රගහල ආශ්‍රිත පදනමේ අධ්‍යක්‍ෂවරයෙකු ලෙස එවකට සේවය කලේය ඔස්‌ටින් මුණසිංහ වාදන නිපුණතාවය  මහත් සේ අගයා ගම්උදා වැඩසටහන් හා එක්‌වෙන්නට ආරධනා කරනු ලැබිය
එතැන් පටන් ඔහු ගේ උරමත ගුරු - වේදිකා භුමිකාවට සමාන්තරව ගම්උදා සංගීතමය වැඩසටහන් මෙහෙයවිමේ වගකීමද පැවරිණි

එකී ගම්උදා නිවාස සංවර්ධන ව්‍යාපෘතියේ ම කොටසක්‌ ලෙස නාගරික නව මහල් නිවාස සංකීර්ණ ගොඩනගන ලද අතර කොළඹ නගරය ආශ්‍රිතව මරදාන ප්‍රදේශයේ මාලිගාවත්ත මහල් නිවාස සංකීර්ණය ඉදිවිනි ඒවායේ නිවාස ඒකක බොහොමයක්‌ එහි නිර්මාතෘවර කලාකාමි අගමැතිතුමා විසින් ම කලාකරුවන් වෙත ප්‍රදානය කරන්නට තීරණය වි ඇත

මොරටුවේ සිට දිනපතා අගනුවරට පියමං කිරීමේ දෂ්කර ක්‍රියාව ට වැයවෙන සිය වටිනා කාලය පිළිබඳව සැළකු මුණසිංහයන් තමන්ටද ඉහත නිවාස සංකීර්ණයේ නිවාස ඒකකයක අවැසිතාව පෙන්වා දෙමින් අග්‍රමත්‍ය ප්‍රේමදාසයන් හමුවී ලිපියක්‌ භාර දුන්නේය ඒ ඔහුගේ කලා ලැදි නිලදරුවන්ගේ දැනුම් දිම පරිදිය

මෙහිදී අගමැතිඳු ගම් උදා වැඩසටහනේ සාමාජිකයෙකු වු ඔහු හට සිය කාලයේ සැලකිය යුතු ප්‍රමාණක්‌ ඒ වෙනුවෙන් වැයකරන්නට සිදු වි තිබිම සැළකිල්ලට ගනු ලැබිය 

ඔස්‌ටින් ඇයි මෙච්චර කල් හිටියේ ඕක ඉල්ලන්න ඔයාගේ වැඩේ කෙරෙවි  ............

අගමැති කියා සිටියේය

කෙසේ වෙතත් මෙවැනි ඉල්ලීමක ප්‍රතිඵලය ලබන්නට මාස ගණනක්‌ ගත විය හැකි බව අත්දැකීමෙන් පසක්‌ කරගත් ඔහු ඒ සඳහා කාලයට ඉඩ දී තිබුනි  මහත් විශ්මයකි ලිපිය යවා පසුදින ඔහු වෙත දැනුම්දුන්නේ ඇදැහිය නොහැකි ප්‍රවෘත්තියකි

ඔයා අගමැතිතුමාගෙන් ගෙයක්‌ ඉල්ලලා ලිපියක්‌ ඉදිරිපත් කරලා තියෙනවා ඊයේ ................

ඔයා අපේ සම්බන්ධිකරණ නිලධාරි ක්‌වින්ටස්‌ වීරකෝන් එක්‌ක ගිහින් ඉක්‌මනට ගෙයක්‌ තෝරාගන්න....

මේ සතියේම ඒක ඔයාට භාරදෙන්න ඕනෑ........

ඒ පිළිවදන ඒ ජේ රණසිංහගෙනි

මෙහි ප්‍රතිඵලය වුයේ යොවුන් වියේ සිට වාමාංශික අදහස්‌ ගරුකළ ඔස්‌ටින් අග්‍රමත්‍යවරයා කෙරෙහි මහත් සේ පැහැදීමයි සිය අවශ්‍යතාවය වෙනුවෙන් වහා ක්‍රියාත්මක වුවා පමණක්‌ නොව තම දේශපාලන මතය පවා නොසළකා හැරි බව ඔහුට වටහගත්තේය

මේ අනුව සිය දියණියගේ සතරවන උපන් දින සැමරුම ඉක්‌මවා යත්ම 1981 බිනර මාසයේ මුණසිංහ සාමාජිකයන් අගනුවර මරදාන ප්‍රදේශයේ කැදැලි ගතවුහ

මේ වකවානුවේදී එහි නුදුරින් පිහිටා තිබෙන අභිනවයෙන් ප්‍රතිෂ්ඨාපිත ටවර් හෝල් රගහල පදනම විසින් නිතිඥ ජොන් ද සිල්වා ගේ සිරිසගබෝ නාත්‍යය ප්‍රතිනිර්මාණය කරමින් පැවතුනු අතර එහි සංගීත අංශය භාරව සිටි පන්ඩිත් අමරදේවයන් ගේ වාද්‍ය වෘන්දය වෙනුවෙන් ඔස්‌ටින් වද තෝරාගනු ලැබිය

  මිලග මාසයේ චිනයේ සයවෙනි ආසියානු කලා උළෙල වෙනුවෙන් ශ්‍රී ලංකාව නියෝජනය කරන්නට නියමිතය  ඒ අනුව ඔස්‌ටින් හටද සිය කුඩා දෙදරුවන් හා භාර්යාව නුහුරු නුපුරුදු පරිසරයක හුදකලා කරවා රටින් බැහැරව යන්නට සිදුවි තිබිම සම්බන්ධයෙන් සසලව සිටියේය

සකසුරුවම්කම උපරිමයෙන් අගය කල ඔහු සිය නිවස අරුමෝසම් විසිතුරු ගෘහ භාන්ඩ ප්‍රදර්ශනාගාරයක්‌ නොවන්නට වගබලාගත්තේය

සිය ඇඳුම ගැන මහත් සේ සැළකිලිමත් වු ඔහු බැහැරව යන ගමනකදී ඒවායේ ඇදපලුදු කිලිටි විම් සිදුවිම නොඉවසුවේය තෙරපිම් මගහරිමින් තුන්රෝද රථයෙන් බොහෝවිට සිය ගමන් පහසුව සලසාගත්තේය කුඩා දරුවන්ට මහත් සේ ප්‍රියකළ අතර ලැබෙන විරාමයේ ඔවුන් හා නිතර අල්ලාප සල්ලාපයේ නිරත විය එසේම  නිවාස සංකීර්ණයේ අසල්වැසියන් හා ඉතා සුහද ඇසුරක වෙළි සිටියේය

පසු යුගයක රූපවාහිනි ටෙලි නාට්‍යය ගීත ආකරයේ මිණක්‌ බඳුවන් නිර්මානයක්‌ බිහිකල ඔහුගේ එකී ක්‍ෂේත්‍රයට පිවිසිම සිදුවුයේ ද සිය වේදිකා මිතුරු ලුෂන් බුලත්සිංහලයන් ගේ ඇරයුමෙනි ඒ ඔහු රූපවාහිනි නාට්‍ය අංශයේ ප්‍රධානියා ලෙස කටයුතු කරන්නට පටන් ගත් 1981 යුගයේ ඔහු ගේ සෝමා ගේ සිහිනය ටෙලිනඵව වෙනුවෙනි

1982 වසරේ දී යළිදු වරක්‌ ජපානයේ එන් එච් කේ ආයතනයේ සංගීතමය වැඩසටහන සඳහා නිර්මාණයක්‌ ඉදිරිපත් කිරීමට අවස්‌ථාවක්‌ එළැඹියේය  මෙවර ඔහු ජාතික ගුවන් විදුලියේ අධ්‍යාපන සේවය නියෝජනය කරන්නට නියමිත නිර්මාණය සඳහා නවක  ළමා ශිල්පි පාසල් සිසුවෙකු වූ ලලිත් කුමාර දවුන්ඩසේකර යොදාගන්නට තීරණය කළේ අධ්‍යාපන අමාත්‍යංශයේ එච් ඒ පියසේනයන්ගේ සරළ පදවැලකට පණපෙවිම පිණිසය

මුහුද ලස්‌සනයි - මුහුද හරි ලොකුයි.........

හෝ හෝ හෝ හෝ හෝ හෝ හෝව නතර වෙන්නෙ නෑ...............

රැල්ල වැදෙනවා - වැල්ලේ හැපෙනවා..............

සමන් මොට්‌ටු වගේ වතුර බිංදු ඉහිනෙවා..................

මෙතැනින් සවන්දෙන්න
-----------------------



මෙවරද ඔහු සිය ගී නිර්මාණය පළමුවන ස්‌ථානයෙන් එපිටට නොයවන්නට වගබලා ගත්තා පමණක්‌ නොව එයට ජුරි සභාවේ කුසලතා සම්මනයක්‌ අත්කර දෙන්නටද සමත්වුයේය 

මෙවකට ඇරඹ තිබුනු ජාතික රූපවාහිනි අධ්‍යාපන සේවය විසින් එකී ගීතයද රූපාවලියක නංවා සිය වැඩසටහන් අතරවාරයේ විසුරුවා හැරියේය

ලක්‌දිව සුවසහස්‌ සිසු දරු දැරියන්ගේ නැණැස පාදවන්නට නියම වු  අධ්‍යාපන ක්‍ෂේස්‌ත්‍රයට සෘජුව බැඳි පියසේන -මුණසිංහ - මාලනී බුලත්සිංහල ත්‍රිත්වයේ සුසංයෝගයෙන් බිහිවු මේ නිර්මාණයද ගුවන් විදුලි අධ්‍යාපනය සේවය ඔප කළේය එහිදි මුණසිංහයන් බටහිර සංගීතයේ සුසංවාදී ප්‍රසංවාදී අංග භාවිතා කරනු ලැබ ඇති බව පෙනීයයි එහි මාලනී බුලත්සිංහල සිය හඞ ලෙළවද්දී  පසුබිමින් වැයෙන මනහර වයලීන නාදරටා එකී නිර්මාණයේ රසය දෙගුණ තෙගුණ කරයි 

බෝනික්‌කෝ - බෝනික්‌කෝ ............

ඔයා මගේ පුංචි දුවයි ................

ඔයාට මං කඩේ ගිහින් මල් රෙද්දක්‌ අරගන්නම් ...................

මල් රෙද්දෙන් හරි ලස්‌සන ගවුමක්‌ මහලා දෙන්නම් ...................

මෙතැනින් සවන්දෙන්න
------------------


යළි හමුවෙමු...........තොරතුරු මුලාශ්‍රය සහ වැඩිදුර කියවිම

(සොඳුරු ගාන්ධර්වයා - අචිරවතී යාලගම)

ප්‍රණාම පූර්වක ස්‌තුතිය

- අචිරවතී යාලගම (ඔස්‌ටින් මුණසිංහ මහත්මිය)  වෙත
ජයාරෑප 
අනුග්‍රහය  - අචිරවතී යාලගම මහත්මිය



Wednesday, November 22, 2017

මෙල්රෝයි ධර්මරත්න අරුමැසි මියැසි රාවය - 1975


ආාාාාආාාා...........ඉඉඊඊඊඊඊග්.............................
 - 1975


මෙයින් සතලිස්‌ වසකට පෙර ලක්‌බිමේ සිදුවු ආර්ථික සහ එයින් පසුව
ක්‍රමයෙන් විකසනය වු සමාජ පෙරළියට පෙර යුගය කෙබඳු වන්නට ඇතැයි යන්න ඇතැමුන්ට අනුමාන කරන්නට ද ඒ යුගයේ අත්දැකීම් ලැබුවන්හට ආවර්ජනය කරන්නටද මෙම ලුහුඞු සටහන  මෙසේ ලියා තබන්නට සිත්විය

කොළොම් පුරවරයෙන් මදින් මද ඈත්වෙමින් යන්නෝ එහි දකින්නට ලැබුනු මාවත් හි පුඵළින් හරිඅඩක්‌ පමණ වු මංපෙත් කරා පිවිසියහ උතුරු දෙසින් කිරිබත්ගොඩ හෝ කඳාන පසුකරද්දී ද දකුණු දෙසින් මොරටුව හෝ මහරගම පසුකරද්දී ද ඉඳහිට හමුවන්නේ නීල වර්ණ හරස්‌ තීරූවේ සිංහ රුව රැගත් ලංගම බස්‌ රථයකි ඒවා මගීන්ගෙන් පිරී නොපවතී ඔස්‌ටින් ලේලන්ඩ් වෙළඳ නාමය සළකුණු කරමින් දුම් දමමින් සෙමින් ඇදියන ලොරි රථයක හෝ බවුසර් රථයක්‌ හැරුණුවිට තියුණු නාදයක්‌ නිකුත් කරමින් ඇදීගියේ වොක්‌ස්‌වර්ගන් මෝටර් රථයකි වෑන් රථයකි 

එකී මාවත දෙපස දිරාගිය තහඩු වලින් අටවනු ලැබු ලංගම බස්‌රථ නැවතුම් හා අතරින් පතර මුණගැසෙන තාප්පයන් වසා විරාජමානව නැගී සිටියේ එසමයෙහි තිරගත වෙමින් පැවතියා වු සිංහල හින්දී ද්‍රවිඩ හෝ ඉංග්‍රිසි සිනමා පට වේදිකා නාට්‍ය හෝ ඉඳහිට ගී ප්‍රසංගයක තතු විත්ති රැඳවු දැන්වීම්ය

ඒ අතර නන්දා මලිනියගේ ශ්‍රවණ ආරධනා හෝ වික්‌ටර් ගේ ස මෙන්ම සනත් නන්දසිරි ගේ ස්‌වර්ණ කුණ්‌ඩල ප්‍රසංගයක තොරතුරු ද අඩංගු වු අවස්‌ථා ද තිබුනි 

ඊට අමතරව එවක යොවුනන්ගේ පර්මාදර්ශී විරයන් අතර ප්‍රමුඛයා වු අසහාය සටන් නඵ බෘස්‌ලී පෙනී සිටින බටහිර ඉංග්‍රිසි සිනමා පටයක දර්ශන වාර වේලාවන් සහ සිනමාශාලාවේ නම පමණක්‌ බොඳ වි ගිය අකුරෙන් මුද්‍රිත පෝස්‌ටරය එකී සිනමාහල වසා ප්‍රේක්‍ෂක මි මැසි පොදි බඳවන්නට හොඳටම ප්‍රමාණවත් විය

   ඕඩියන්  - ගල්කිස්ස

     ENTER THE DRAGON

    දිනපතා.....

   10 30-2 30-6  9



ලෝ පුජීත බොක්‌සිං ශූරයා කඵ ජාතික  මොහොමඩ් අලි හෙවත් කැෂියස්‌ ක්‌ලේ ගේ වික්‍රම රස ගන්වා ලියෑවුනු පුවත් පත් වාර්තා හා ඡයාරූපයන් ය ඒවා ද ඉහත කී පෝස්‌ටරයන්ට දෙවැනි නොවේ අවපැහැ ගැන්වුනු කඩදාසියේ බොඳව ගිය කඵසුදු සේයා රූ වටා යම්තමින් සායම් ගැන්වුවා සේ පෙනෙන දාර කැඩි පෙනෙන අකුරු පේලිය

ඒ අතරින් තැපැල් මගින් දායකත්වය ලබා ඇතැම් නිවස්‌නයන් ට ලැබෙන ඔපදැමු කඩදාසියේ විදෙස්‌ සගරා තියුණු කාන්තිමත් වර්ණ දසුන් වලින් බබලයි ඒවා නිසැකවම පවුලේ සහ අසල්වැසි දරුවන්ගේ පාසල් පෙළ පොත් වසා ලැගුම් ගනී වසර අවසනයේ දියවි ඉරී වැහැරි යනතුරු ඒවා ඔවුන් අතැර නොයන සේය

මෙයාකාරයෙන් සැලොලයිඩ් පටයෙන් ඉපිද කළ එළි බට බෘස්‌ලී - කරාටේ සටන් කලාව  ෂවැලින් ටෙම්පල් සටන්  - කුං ග් ෆු - ජිට්‌ කො න් ඩු - උන්මාදය 70 දශකය ඉක්‌මවා 80 දශකයට අවතීර්ණ වී දෙගොඩ තලා ගලා ගිය අවස්‌ථා ද විය

ලාංකික කරාටේ ක්‍රිඩාවේ නිපුණත්වය ලද  ජ්‍යෙෂ්ඨතමයා  ජී ඒ ටී ලිවේරාය ඔහුගේ නාමය විසින් මෙහෙයවු කරාටේ පාඨමලා සම්බන්ධ දැන්විම් ද අතරින් පතර දිස්‌වේ එකී වෙළඳ දැන්විම් පැවති එකම විද්Hqත් මාධ්‍යය වු ගුවන් විදුලියේ ඇසේ ... කරාටේ ක්‍රිඩක ඉරියව් දක්‌වන ඔහු පුවත්පත් දැන්විම් පළවේ

here's the story of Cassius Clay Who changed his name to Muhammad Ali ........
Black Superman lyrics by Johnny Wakelin


ලෝ පුජිත මොහොමඩ් අලී පිළිබඳව පබැඳුනු අතිප්‍රකට ගීතය ඉංග්‍රිසි සේවයන් සිසාරා නිතර වාදනය වෙයි.......



මේ ප්‍රවණතාවය එනම්  එදා සටන් කලා රැල්ල ක්රීඩා ගී රැල්ල හා  එදා ගීත කලා රැල්ල හා යා කරමින් ගොඩනැගුනු සොඳුරු ගී නිර්මාණයක තතු විත්ති සටහනකි මේ

ක්‍රිඩකයා සිය පාදය ඔසවා අහසට විහිදුවමින් පිම්මක්‌ පනී 

ආාාා ....... ඊඊඊඉඉඉඉ ....උ..................

ගඩොල් ලී පටි රට උඵ අතින් පයින් ඇන දෙපඵ කරයි.........

කඩු මිටි කිණිසි යකඩ පොලු අවි දරන්නෝ මෙල්ල කරයි...........


70 දශකයේ සහ ඉන් මෙපිට ශ්‍රි ලංකාවේ කරාටේ රජු මාස්‌ටර් ජී ටී ඒ ලිවේරා ගේ ජව සම්පන්න සිසු සිසුවියන් විසින් පවත්වනු ලැබු සංදර්ශනයන්හිදී දෙබැම හකුඵවා නෙතු නොසලා ගත් සිය ප්‍රේක්‍ෂක ජනතාව හමුවේ පෑ විස්‌කම් මෙයාකාරයයෑයි එසේ ගෙනහැර පාමින් තවද 

ආයුධ සන්නද්දව සතුරා......

සටනට ආවොත් වටකරලා........

කරාටේ දෙයි නිලබලා..............

සතුරා යයි පරලොව සොයා...............

ක්‍රිඩාව නමැති රාමුවෙන් ඔබ්බට පියමං කරමින් එය තම ජීවිතය රැක දෙන්නාවු ආත්මාරක්‍ෂක සටන් ක්‍රමයක්‌ ලෙස යොදාගන්නා අතරවාරයේදී එහි තාක්‍ෂනය ශාස්‌ත්‍රානුකූලව සිය ජවය හා මුසුකරමින් අදාල වෘත්තිය සටන් කරුවා ක්‍රියාත්මක වෙන අයුරු විස්‌තර කරයි  එහෙත් එහි ගුරු පරම්පරාවන්ට ගරු කරමින් එහි ආචාර ධර්මයන් ට අනුකූලව ක්‍රියා කීරිමේ වැදගත්කම පහත ලෙසින් හුවා දක්‌වා


කරාටේ නීතිය ආරක්‍ෂාවයි..............

කරාටේ රීතිය යුක්‌තියයි...............

වාසිය නම්බුව පිනිස නොවෙයි.............

කලයුතු මාරක සටනක්‌ නොවෙයි.............

සිය නිර්මාණ එකතුව ගී පද රචනයකින් සරසාගන්නේ  මෙකී ආකර්ශනීය ක්‍රිඩාව ගීතයකට කැටිකර දක්‌වාලු  ලාංකිය ගීත කලාවේ ප්‍රථමයා සහ බොහොවිට එකම පුද්ගලයා වශයෙනි

ඔහුගේ භුමිකාව විවිධය විෂමය 

ඔහු වරෙක පුවත්පත්කලාවේදියෙකි  වරෙක ගත්කතුවරයෙකි  වරෙක ගී පද රචකයෙකි  වරෙක තනු නිර්මාපකයෙකි  වරෙක  සංගීත අධ්‍යක්‍ෂවරයෙකි 

ඔහු ලාංකිය ළමා වේගරිද්ම පොප් ගී කලාවේ පුරෝගාමියා ද වු ප්‍රවිණ ජ්‍යෙෂ්ඨ සංගීතඥ මෙල්රෝයි ධර්මරත්නයන්ය 

මින් වසර සතලිසක දුර අතීතයේ ලාංකික නාගරික තරුණ තරුණියන් අතර උන්මාදයක්‌  බවට පත්ව පැතිර ගිය කරාටේ ක්‍රිඩාවේ විසිතුරු ඔහු එදා එසේ ලියා තැබුවේය 

ඉන් නොනැවතී එය ඊට සුදුසු තනුවකින් හැඩ ගැන්විය

පසුව ප්‍රසාංගිකත්වයට නැඹුරු වු වේගරිද්ම ගී ගැයිමේ පතළ කලාකරුවා ගායක ඩෙස්‌මන්ඩ් ද සිල්වා වෙතින් එය ජනගත කලේ වෙළඳ තැටියක්‌ ඔස්‌සේය


එවකට ක්‍ෂෙත්‍රයේ රසික ප්‍රසාදය හිමිකරගත් ක්‌ලැරන්ස්‌ විජේවර්ධනයන් ගේ ද සුපර් ගෝල්ඩන් චයිම්ස්‌ හි ඉන්ද්‍රජාලික ඩ්‍රම්ස්‌ වාදකයා ශ්‍රී කාන්ත දසනායක ද සිය ලිඩ් ගිටාර්යෙන් විවිධ තාක්‍ෂණික ශිල්පි ක්‍රම අත්හදා බලමීන් සුරුවිරුකම් පෑ වාදනශිල්පී ඩික්‌සන් ගුණරත්න ද  සංගීතඥ ස්‌ටැන්ලි පීරීසුන් නියමු වා ලෙස කටයුතු කල ෆොර්චූන්ස්‌ හි ඔහු කණිටු සොයුරු මිල්ටන් පීරීස්‌ සිය රිදම් ගිටාරය ද අතරදා එය හැඩවැඩ ගැන්වීය

මෙල්රෝයි ධර්මරත්න යනු සිය නිර්මාණයන්හි ප්‍රාණවත් බව ප්‍රසාංගික බව උද්දීපනය කිරීම සඳහා විවිධ රසංග ගායන ශිල්පීය ක්‍රමවේද  භාවිතා කරනු රිසියෙකි රුසියෙකි

ආ..... ලේ ............ ලු ..............යි ..............යා....යාාාාාාාා (පුංචි බබා ජේසු බබා - ශීරෝමි ප්‍රනාන්දු)

ලාාාාා............ලල්ල................ල ....................ල................ලාාාා  (වාසනා ලොවක්‌ ගෙනාව- තිස්‌ස නාගොඩවිතාන)

ආාා.... ද.... රේ .................. ආාා ............ද.............රේ ...ආාා ද ..............රේ (පුංචි පුංචි තාරකා  - මිල්ටන් පෙරේරා)

ල ල්ලා ..... ලලලා ................ ල් ල්ලා ....ලා.....(සිගිති සිනාහඞ - පොඩි කාලේ දග කෙරුවාම - ශිරෝමි ප්‍රනාන්දු)

ඒ අනුව යමින් ඔහු මෙකී නිර්මාණය උදෙසාද පසුබිම් හඞ ප්‍රයෝග භාවිතා කරනු ලැබ ඇත්තේ කරාටේ ක්‍රිඩාවේ තාක්‍ෂණික පහරවල් එල්ල කිරීමේද මුව හයා සිරුරේ ජවය  එක්‌තැන් කරවනු පිනිස නංවන ශබ්ද අනුකරණය කිරීමෙනි

60 දශකයේ යොවුන් ආධුනිකයෙකු ලෙස ජ්‍යෙෂ්ඨ මාධ්‍යවේදී ආතර් යු අමරසේන සහ නැසිගිය ආරියරත්න කහවිට ගෙන් පුවත් පත් කලාවේ  ගුරුහරුකම් ලබාගත් ඔහු ගේ මෙම නිර්මාණය බිහිවී මද කලකට පසුව ප්‍රවිණ මාධ්‍යවේදී පර්සි ජයමාන්න (ලේක්‌හවුස්‌ නවයුගය කර්තෘ) විසින් තමාට විජය පුවත්පත් සමාගම මගින් ප්‍රකාශයට පත් කරන තරුණයා පුවත්පත වෙනුවෙන් කරාටේ ක්‍රිඩාව සම්බන්ධ ලිපි පෙළක්‌ සම්පාදනය කරන මෙන් ආරධනය කරනු ලැබු බව හෙළිකර සිටියේය ඒ අනුව ජී ඒ ටී ලිවේරා හමුවි ඔහුගේ කෘති ද අධ්‍යයනය කරමින් එය සිදු කරන්නට සමත් වු බවද කියා සිටියේය

මෙකී ආත්මාරක්‍ෂක සටන් ක්‍රමය 14 සියවසේ ජපානයේ ඔකිනවා දුපත් වාසින් අතර ප්‍රචලිත ව පැවති බව හෙළිදරවු වේ එය වර්තමානයේ ජගත් කරාටේ සංසදය විසින් පාලනය කරනු ලබයි ඊට නව ජවයක්‌ අත්කරගත් සුවිශේෂි සිදුවිම වුයේ ඉතා මෑතදි එනම් 2016 වසරේ දී එය ඔලිම්පික්‌ ක්‍රිඩාවක්‌ ලෙස අභීෂේක කිරීමයි ඒ අනුව මිලග 2020 දී වසන්ත ඔලිම්පික්‌ උළෙල කරාටේ ක්‍රිඩාවේ ජාත භුමිය වූ ජපානයේදී යළි උපදිනු ඇත

ආත්මාරක්‍ෂක සටන් ක්‍රමයන් හි ක්‍රිඩක නිපුණතාවය ශ්‍රේණිගත කර දක්‌වන වර්ණ හිණපට ක්‍රමවේදයේ කරාටේ ක්‍රිඩාවේ නිර්නායක පහත පරිදිය


සුදු පටිය- අධුනික ආරම්භක
කහ පටිය - ප්‍රාථමික  මුලධර්ම නිපුණ

ඉන් පසුව

තැඹිලි ---- කොළ ---- නිල් ---- දම්  ---- දුඹුරු ---- රතු ----- කඵ (කඵ වර්ණය යටතේ ශ්‍රේණි 09)
------------------------------------------

තැටි ලේබලය - නිව් සවුන්ඩ් 

නිෂ්පාදනය - සිමාසහිත නිව් සවුන්ඩ් එන්ටප්‍රයිසර්ස්‌

නිෂ්පාදක - ඊ බී ඩී කේ පෙරේරා

සංගීත අධ්‍යක්‍ෂණය සහ තනුව - මෙල්රෝයි ධර්මරත්න

පද රචනය - මෙල්රෝයි ධර්මරත්න

ගායනය - ඩෙස්‌මන්ඩ් ද සිල්වා

වාද්‍ය වෘන්දය - ශ්‍රි කාන්ත දසනායක (ඩ්‍රම්ස්‌) මිල්ටන් පීරිස්‌ (රිදම් ගිටාරය)  ඩික්‌සන් ගුණරත්න (ලීඩ් ගිටාරය)  ක්‌ලෝඩ් ප්‍රනාන්දු (සරපුවරු)

වසර - 1975 ?
-----------------
මෙතැනින් සවන්දෙන්න




සංවාදය අවසන් කරන්නට මත්තෙන් ඔහු මෙසේ ප්‍රකාශ කළේය


ඕකට  පස්‌සේ ශ්‍රි කාන්ත මුණගැහෙන හැම වෙලාවකවම ඔහු කිව්වේ මෙහෙම දෙයක්‌

මෙල්රෝයි.............. මම කොච්චර නම් වාර ගණනක්‌ රෙකෝඩිංග්ස්‌ වල ඩ්‍රම්ස්‌ ප්ලේ කරලා ඇද්ද ? ඒ මොනවා ගත්තත්  ඔයාගේ කරාටේ ශූරයා අමතක වෙන්නේ නෑ අමතක කරන්නත් බැහැ ...................................මට ඒකට එච්චර හිතගියා

-------------------------

තොරතුරු මුලාශ්‍ර  - අන්තර්ජාල වෙබ් අඩවි

(ස්‌තුතියි ප්‍රවිණ සංගීතඥ මෙල්රෝයි ධර්මරත්න)


Tuesday, November 14, 2017

ඔස්ටින් මුණසිංහ ගැයු ළමා ගී ......



අසනු මැනවි යොමා සවන් යුග ඔහු ගේ ම ගැයුම් මිහිර වෙත ........

ඔස්‌ටින් මුණසිංහ නිර්මාණ මියැසි රස ගුලාව ................. 05

ඈත ලොවක සිට හිනැහෙන හඞින් සුවය වේවා ................  05 කොටස















------------
සංගීතඥ
ඔස්ටින් මුණසිංහ ලංකා සම සමාජ පක්ෂයේ ‍ නායක ආචාර්ය ඇන් ඇම් පෙරේරා මහතා සමග
 
--------------

දම්පාටින් ළා සඳ බැසයනවා ගයමින් වසර කිහිපයකට පෙරාතුව ගුවන් විදුලියේ දී සිය හඞ අවදිකල ඔහු යළිත් ජාතියේ ළමා පරපුර වෙනුවෙන් යළිත් එහි අධ්‍යාපන සේවයේදී ගීත ද්විත්වයකට දායක විය ඒ අධ්‍යාපන අමාත්‍යංශයේ නිලදරුවෙකු වු එච් ඒ පියසේනයන්ගේ පදවැල් උදෙසාය 


මේ වැයෙන්නේ ජාතික ගුවන් විsදුලියේ ද වේදිකා නාට්‍ය ක්‍ෂේත්‍රයේද බාහිර ශිල්පීන් වෙqනවෙන් මනමෝහනීය තනුරටා නිමැයු මේ අපුර්ව සංගීතඥයා සිය තනු වෙනුවෙන්ම සිය හඞ අවදිකරනු ලැබු දුර්ලභ නිර්මාණ යුගලයකි 

එයින් එකකදී සිසු දරුවන්ට පාරිභෝජනයට ගන්නා මාඵ වර්ග හඳුන්වාදෙයි


මාඵ මාඵ මුහුදු මාඵ දැනුයි ගෙනාවේ ...............

ගන්න ගන්න දැන්ම ගන්න ටිකයි තියෙන්නේ ................

තෝරු මෝරු මීවැඩියෝ - පාරව් කටිsල්ලෝ .........

ඉස්‌සෝ කොස්‌සෝ ගිම්මැටියෝ - වැඩව් - හඞල්ලෝ ....................

-------------------

මෙතැනින් සවන්දෙන්න


අනිත් ගීතය ගොවියා මාතෘකා කරගනු ලැබුවකි


කුකුළත් එක්‌කම - මං නැගිටිනවා ..........

උදැල්ල අරගෙන කුඹුරට යනවා ..............

මගේ රන් දහදිය බිමට හෙළනවා ..............

රටටම බත්දෙන ගොවියෙකි මං ..................

---------------------

මෙතැනින් සවන්දෙන්න


මෙසේ සත්සර සයුර කිමිද ගිලෙමින් යන මුණසිංහ කුටුම්භයේ දෙවැන්නිය ගේ ආගමනය නව රජයක පත්විමෙන්  ආසන්නව දින 30 ක ඇවැමෙන් සිදුවිය ඒ 1977 වසින් නිකිණි මස 23 දාතමින් උපන් ස්‌වේතකී නිරංජලාය

එසේ පත්වු නවරජයේ මතු සැලසුම් මුණසිංහ සංගීතඥයාගේ ගේ මතු දිවියට සෘජුවම බලපෑවේය

---------
ඔස්ටින් දියණිය ශ්වේතකී සහ පුතු ත‍‍ර‍ැපති සමග පවුලේ උත්සවයකදී
---------
මිතුරු ලුෂන් ගේ දයාබර බිරිඳ අනුලා මේ අවධීයේ ජාතික ගුවන් විදුලියේ  ගායන ශිල්පිනියක්‌ ලෙස ශ්‍රේණිගතව සිටියේය ඇය ට ගයන්නට නියමිත තිබු සරල ගී වැඩසටහනක්‌ වෙනුවෙන් එවකට ආධුනික කවියෙකු වු රත්න ශ්‍රී විජේසිංහයන් ගේ පබැඳුමක්‌ ස්‌වර මාලාදාමයන්ගෙන් සරසවාලිමේ වගකීම පැවරුනේ ද ඔස්‌ටින් හටය


එය දෙවන වරටද උතුම් පිය පදවියේ කිරුළ හිමිකර දුන් සිය කිරිකැටි බිළිඳිය වෙනුවෙන් ලද ගී තිලිණයක්‌ බඳුය 


ඉද්ද මල් දෙණිය වත්තෙන් ඉද්ද මල් නෙළා - පිච්ච මල් කඩා ගන්නෙම් මාලයක්‌ හදා ..........

හැන්දෑවේ මං එනකොට දූට ගේනවා - ඉන්න නාඞලා එනකල් ඉන්න නාඞලා ..............

පුංචි දුවේ බලන්න බිං තඹුරු පිපිලා - රූං කියනවා බඹරුන් රොනට ඇවිල්ලා ....

පුංචි දූට අහන් ඉන්න සිංදු කියනවා .......

-----------
මෙතැනින් සවන්දෙන්න


සිරි සරසවි දෙවි අසිරි ලබමින් ස්‌වර සප්තකයේ ඇසුර උරුමකරගත්තද සිය තුරුණු වියේ පටන් ඇඵම් ඇගැලුම් දැක්‌වු දේශපාලන දර්ශනයේද ඊට කැපවු සෙසු සාමාජික කැළගේ ඇසුර ද නොහළේය

පැවති රජයට පෙරාතුව බලයේ රැඳි සමගි පෙරමුණු රජයේ කොටස්‌කරුවෙකු වු ශ්‍රි ලංකා සම සමාජ පක්‍ෂයේ 43 වන සංවත්සර උළෙල වර්ණවත් කළ ගී නිර්මාණ පෙළහර වෙනුවෙන් ඔහු මැදිහත් විය ඒ වසර 1978 දීය

ආචාර්ය එන් එම් පෙරේරා - කොල්වින් ආර් ද සිල්වා - බර්නාඩ් සොයිසා - අතාවුද සෙනවිරත්න - විවියන් ගුණවර්ධන යන ලංකික දේශපාලනයේ අති දැවැන්ත චරිත එකට එක්‌වු එකී උත්සවයේ රණ ගී පෙළෙහි මෙහෙයුම් කරුවා ද ඔස්‌ටින්ය

මේ අතරවාරයේ තෝලංගමුව මහ විදුහලට සමුදුන් ඔහු ගේ ගුරු භුමිකාවේ මිලග නවාතැන වුයේ සිය නිවසට ආසන්නව පිහිටි මොරටුව එගොඩඋයනේ සුනන්දෝපනන්ද තක්‌සලාවටය ඊට මැදිහත් වුයේ තම සංගීත සිසු භුමිකාවේ කටයුතු කරද්දී ඔහු හා එක්‌ව සිටි එවකට කලාප අධ්‍යාපන අධ්‍යක්‍ෂවරයෙකු ලෙස කටයුතු කල ප්‍රවිණ සංගීතඥ නවරත්න අත්තනායකයන් ය එනම්  වැඩිමනත් ඔස්‌ටින් නිර්මාණයන්ට පණදුන් ගායන ශිල්පිනි සුජාතා අත්තනායකගේ සැමියා ය

හෙළ සිනමාවේ ස්‌වර්ණයුගය ගතවෙමින් පැවතියේ මේ අවධියේය භාරත ගී ව්‍යාධියෙන් සම්පුර්ණයෙන්ම පාහේ මිදුනු ලාංකිය සිංහල සිනමාවේ ඒ මියෑසිය පරයන සුඵ මෝහනීය තනු නිර්මාණය කරන්නට හෙළ ගාන්ධර්වයන් සමත් වී තිබුනි 

1976 වසරේ මුදාහළ දුහුඵ මලක්‌ නම් සිය නිර්මාණය  ඔස්‌සේ සුමධුර ගීතාවලියක්‌ තිළිණ කළ විජය ධර්ම ශ්‍රී සිය නවතම නිර්මාණය නම්කර තිබුනේ සූරියකාන්ත නමිනි එහි ගීත තනු නිර්මාණය කරන්නට තෝරාගෙන තිබුනු මියෑසි අදියුරුවරු දෙදෙනා අතර ඔස්‌ටින් මුණසිංහයන් ද විය

ඔහු සිය ගුවන් විදුලි ගී රසදහර මැවු ප්‍රවිණ ගායිකා සුජාතා අත්තනායකට තමන්ගේ  කුඵඳුල් සිනමා ගීය ට පණපොවන්නට ආරධනා කලේය 


රහසක්‌ සඳ නොදන්න - මොනර පිළක නොලියවන්න නමින් ඇරඹෙන එකී නිර්මාණය ඇය විසින් ශබ්ධාගාරයේ  පුහුණුවෙමින් තිබෙද්දී පටිගත කළ පිටපතක්‌ අවසන් පටිගත කිරිම ලෙස හගවා විජය ධර්ම ශ්‍රී වෙත යවා තිබු ජුගුස්‌සාජනක පුවතක තතු විස්‌තරය පසුව හෙළිදරවු වු ඔස්‌ටින්ට තමා අභිනවයෙන් පිවිසි ක්‍ෂේත්‍රයේ සැබැ මුහුණුවර අවබෝධ කරගන්නට එතරම් අපහසු නොවිය

ඊට මුල්වු පුද්ගලයන් ගේ නම්ගම්ද දැනගන්නට ලැබුනු ඔහු ඒවා දෙකේ කැලැසියේ බාලවැඩ ලෙසින් දුටුවේය

රංගන වේදිකාවේ මිතුරු ලුෂන් බුලත්සිංහල ලියු පිටපතක්‌ අනුව ප්‍රවිණ සිනමාවේදී නැසිගිය තිස්‌ස අබේසේකරයන් ගේ  සිටු දියණියෝ ඒ වසරේදීම තිරගත කෙරිනි එහි මියෑසි විසිතුරු මැවු ඔස්‌ටින් ගේ නිර්මාණ නිසිලෙස ජනගත නොවුයේය 


ඉතිරි කොටස මතුවට............
තොරතුරු මුලාශ්‍රය සහ වැඩිදුර කියවිම

(සොඳුරු ගාන්ධර්වයා - අචිරවතී යාලගම)

ප්‍රණාම පූර්වක ස්‌තුතිය

- අචිරවතී යාලගම (ඔස්‌ටින් මුණසිංහ මහත්මිය)  වෙත
ජයාරෑප 
අනුග්‍රහය  - අචිරවතී යාලගම මහත්මිය
 - හද ගී පොත  - බ්ලොග් සම්පාදක - තිස්ස දොඩංගොඩ මහතා