ඉරට යටින් සඳට යටින් - ඔබව සොයා ආවා
ප්‍රවිණ සංගීතඥ ජයතිස්‌ස අලහකෝන් මැවූ ගී සර අසිරිය
සතුට විලයි සැපත මලයි - නෙඵවොත් මල අතින් එකයි.......
පමා වුනොත් මල පරවේ - ඉරට යටින් හඳට යටින් කාලය පැනයනවා ..........
ගී පද නැසිගිය නිමල් වික්‍රමසේකර
-----------------
මෙතැනින් සවන්දෙන්න
ගුවන් විදුලියේ නිතර ඇසුවකි සමූහ ගායනාවක්‌ පමණක්‌ නොව සිනමා ගීයකි නමුදු 60 දශකයේ පටන් ප්‍රචලිත බටහිර - ලතින් ඇමෙරිකානු සංගීත ශෛලියට ද නෑකම් කියයි
කලාපෙළ නිර්මාතෘ ප්‍රවිණ සිනමාවේදී ජී ඩි එල් පෙරේරා විසින් 1968 වසරේ තිරගත කරන්නට යෙදුනු දහසක්‌ සිතුවිලි සිනමා පටයේ සාද ජවනිකාවක්‌ වෙනුවෙන් පසුබිමින් වැයුනු මෙම ගීතයේ නිර්මාණකරුවා ප්‍රවිණ සංගීතඥ ජයතිස්‌ස අලහකෝන්ය
භාරත දේශයේ හින්දුස්‌ථානි සංගීත ආභාෂය ලද එම ගුරු කුලයේ සාමාජික පන්ඩිත් අමරදේවයන් ද එවකට පැවති ගී රැල්ලට අනුගත වෙමින් කැලිප්සෝ ලතින් ඇමෙරිකානු නාදමාලා ට සරිලන තනුරටාවක්‌ බිහිකරනු ලැබීය ඒ මින් දෙවසරකට ඉහත තිරගත වු ආචාර්ය ලෙස්‌ටර් ගේ දෙළොවක්‌ අතර සිනමා පටය උදෙසාය
ඇතැම් විට මෙම නිර්මාණය එය ගුරුතන්හි තබන්නට ඇතැයි අනුමාන කළ හැකිය දේවානන්ද වෛද්‍යසේකර යන නාමය රසිකයන් අතරට වඩාත් සමිප වුයේ මෙයින් බව කිවහැකිය
නමුදු ඔහු ගේ මංගල සිනමා ගී ගායනය වු ආශා දෑසින් දකිනා සිහිනේ ශ්‍රවණය කරන්නට ලැබුනේ ජී ඩී එල් පෙරේරා ගේ ද මංගල සිනමා නිමැයුම වූ සාමා වෙතිනි ඒ මින් තෙවසරකට පෙර 1965 වසරේදිය
වනන්තරේ ගල් අරනේ විමානේට ......
නිරන්තරේ යන ගමනේ විඩාවට.........
නමින් ශිල්පිනි මල්ලිකා පෙරේරා ගැයු ගීතයද කළඑළි බට එකී සිනමා නිර්මාණයේ ඒ ගරුබුහුමන ට හිමිකම් කිවේ අප කථානායකයාමය ඒ ඔහුගේ මංගල සිනමා සංගීත නිර්මාණයයි
ඔහු පිළිබඳව ලුහුඞින් විමසා බලන්නට දරන ලද තැතකි මේ
බස්‌නාහිර පළාතේ ෙඓතිහාසික අත්තනගල්ල පුරවරයේ නිට්‌ටඹුව ග්‍රාමයේ ජන්ම ලාභය ලැබු ජයතිස්‌ස අලහකෝන් ගේ පියා මාටින් පෙරේරා නමින් වූ පැරණි ටවර් හෝල් ශිල්පියෙකු විය
මරදානේ සංඝරාජ විදුහලේ අකුරු කළ සියපුතු වු ජයතිස්‌සයන් තූර්ය භාන්ඩ අතදරමින් ඒවා ඇසුරේ දිවිගෙවන්නට රිසිබව දැන වටහගත් හෙතම සිය පුතු එවකට ලාංකීය සංගීත ක්‍ෂේත්‍රයේ මහා දැවැන්තයෙකු වු එච් ඩබ්ලිව් රූපසිංහයන් යටතට යොමු කලේය හෙළයේ නිළි අග රැජින මෙන්ම මහා ගායිකාව වු රුක්‌මණි දේවිය ගේ ද සංගීත ඇදුරිඳු වු ඔහු සප්ත ස්‌වරයේ න්‍යයාත්මක හා ප්‍රයෝගික මුලධර්ම පිළිබද දැනුම සිය යව්වන සිසුවා වෙත ගෙනහැරදැක්‌විය
ඉන් අනතුරුව වාදන ශිල්පකලාව ප්‍රගුණ කරවන්නට ඔහු පියනැගුවේ ඒ කටයුත්තේ දැවැන්තයන් වු පන්ඩිත් අමරදෙවයන්දිහා සංගීතවේදී බී වික්‌ටර් පෙරේරා වෙතටය එහිදි ඔහු වයලීන් වාදනය හදාරා ස්‌වෝත්සහයෙන් එය වැඩිදුරටත් ප්‍රගුණ කලේය
මේ අතරවාරයේ ඔහු භාරතයේ විශ්ව භාරතී භාත්ඛන්ඩේ සංගීත විද්‍යාලයේ පරික්‍ෂණයට පෙනිසිට ඉන් සමත්ව රජයේ පාසල් ගුරුවරයෙකු ලෙස සේවය කරන්නට පටන් ගත්තේ තමා අකුරු කල මරදානේ සංඝරාජයෙනි
ඊට සමගාමිව හෙතම දිවයිනේ ප්‍රමුඛතම සංගීත අධ්‍යක්‍ෂවරුන්ගේ නිර්මාණයන් සඳහා තෝරාගත් වයලීන් වාදක කන්ඩායම නියෝජනය කරන්නට සමත් විය
දිවයිනේ නාට්‍ය වංශයේ රන් අකුරින් ලියෑවෙන මහඇදුරු සරත්චන්ද්‍රයන්ගේ මනමේ ගුණසේන ගලප්පත්තිගේ මුදූ පුත්තු ඇතුඵ වෙනත් වේදිකා නාට්‍ය ගණනාවක වාද්‍ය වෘන්දයේ සාමාජිකයෙකුව සිය හැකියාව මනා ලෙස ඔප මට්‌ටම් කරගන්නට සමත් වු ජයතිස්‌සයන් සිය කලා දිවියේ සංධිස්‌ථානයකට එළැඹුනු වසර වුයේ 1964 වසරයි
ජී ඩි එල් පෙරේරා ගේ සාමා නමින් වු වේදිකා නාට්‍යයේ සංගීත නිර්මාණය පැවරි තිබු නිසාම එය සිනමා කෘතියක්‌ බවට පත්කිරීමේ ක්‍රියාවලියේදී ද ඔහු ට එහි සංගීත අධ්‍යක්‍ෂණය පැවරී තිබුනේ එම වසරේදිය
කලාපෙළ සාමාජිකයෙකු වු සුගතපාල සෙනරත් යාපා ඒ වෙනුවෙන් ලියු පෙර සඳහන් ගීතයට සාධරණය ඉටුකරන්නට ජයතිස්‌ස අලහකෝන් සංගීතඥයා සමත් වුයේ එහි ශෝකි රසය ජනනය කරවන ජවනිකාවට එය මනාව පැහි යන ලෙසට ස්‌වර පෙළගස්‌වාලමිනි
ලියෝනි කොතලාවල නම් අධුනික යොවුන් රංගන ශිල්පිනිය කරත්තයක නැගි සිය ගම් පියසෙන් සමුගෙන යන අයුර එහි ජවනිකා පෙළින් කියා පෑහ
ඉහත සිනමා ගී ද්විත්වයෙන් පසුව ක්‍ෂේත්‍රයේ තමාට හිමි ස්‌ථානය තහවුරු කරගත් ඔහු 70 දශකයේ ජාතික ගුවන් විදුලියේ ශීල්ප හරඹ දක්‌වන්නට අවස්‌ථාවක්‌ උදාකරගන්නා ලදී
කුරවි කෙවිළ්ලන් පානා ඉගිබිගි නෑ නෑ මෙතෙක්‌ දැනුනේ ...........................
-----------------
මෙතැනින් සවන්දෙන්න
මහඇදුරු සුනිල් ආරියරත්න ගේ පද සංකල්පනාවක්‌ වු ඉහත ගීතයේ ස්‌වර සංකලනයෙන් නන්දා මාලිනිය ට සහය වු හෙතම යළිත් වරක්‌ ඇයවෙත සුමධුර තනුවක්‌ නිර්මාණය කරදුන්නේ රත්න දිසානායකගේ පදමාලාවක්‌ ඇසුරු කරමිනි
කප් සුවහස්‌කල් පෙරුම් පුරාගෙන - අනන්ත බාධක දුක්‌ පීඩා විඳ
භවෙන් භවය යන මං සළකුණු දැක - ඔබව සොයා ආවා......................
-----------------
මෙතැනින් සවන්දෙන්න
1972 වසරේදී පේරාදෙණියේ අනුලා දිසානායක සමග විවහ වු ඔහු දරුවන් සය දෙනෙකුගේ සිය කැදැල්ලට එක්‌කරගත්තේය
1995 වසරේදී රජයේ සේවයෙන් නික්‌ම ගිය ඔහු දැනට විශ්‍රාම සුවයෙන් පසුවෙයි
විශේෂ ස්තුතිය
තොරතුරු මුලාශ්‍රය වෙනුවෙන්
මියැසි හරසර - ලාල් ආනන්ද අබේධීර මහතා වෙත
එදවස දෙසවන් නැළවු සත්සර රන්ස්‌වරය - 03 (1924-1980)
ගීතයක උපත සිදුකරවන්නට දායක වන්නෝ තිදෙනෙකු පමණක්‌ යෑයි සැහැල්ලුවෙන් සිතිය හැකි නමුත් සත්‍ය තත්වය එය නොවේ
ඒ තුන්කට්‌ටුව එනම් ගී පද රචකයා තනු නිර්මාපකයා හා ගයකයා පිළිබඳව බොහෝදුරට සැළකිලිමත් වෙයි සේස්‌සෝ නොසළකා හරිති
ගීතය පුෂ්පයක්‌ නම් එයින් විහිදුවන සුගන්ධය තනුවයි ශ්‍රාවකයා නම් මි මැසි කැළ ආකර්ශනය වන්නේ ඒ වෙතයි යුග යුග ගණනාවක්‌ රසික ශ්‍රාවක මතකයේ ගීතය තැන්පත් කරවන්නේ දසත විහිදවූ එකී සුගන්ධයයි
සංගීතඥ ආර් ඒ චන්ද්රසේන කුඩා දියණි තිලංගනී සහ ශ්‍රීයාණි චන්ද්රසේන - ගී පද රචක ඒ ජේ ද සොයිසා (දකුණු කෙළවර) ගීත පටිගතකිරීමක්‌ සඳහා ඉන්දියාව බලා යන්නට සැරසී රත්මාලාන ගුවන් තොටුපොළ - 50 දශකයේ අග භාගය
පදමාලාව දුරවබෝධ විදේශිය ගී නිර්මාණ අගය කරන්නේ මේ කරුණ නිසා යන නිදසුන ඒ උදෙසා ගෙනහැර දැක්‌විය හැකිය
සිංහල සිනමාවේ මුල් දශකයේ අඩංගු වු ගීතයන් වැඩිමනත් සංඛ්‍යාවක්‌ අසල්වැසි භාරතීය සංගීතවේදීන් විසින් එහි නිර්මාණය කරන ලද තනු උපුටා ඒ මත වදන් අමුණවා නිමැයුවේද ඒ නිසා වන්නට ඇත
මේ තනුව වඩාත් හැඩවැඩගන්වන්නේ රසලිප්ත කරන්නේ ගීයකට පැළඳවු ආභරණ බඳු අන්තර් පුර්ව සංගීත ඛණ්‌ඩ නිසයි ඒ නිර්මාණය තෙවැනි ශිල්පියෙකුගේ - සංගීතඥයෙකුගේ විය හැකිය ඒ කටයුත්තේ නිරත වන්නා ද වෘත්තිමය ශිල්පියෙකු විය යුතුමය
පද මාලාවෙන් කියැවෙන අදහස හොඳින් අවබෝධකරගෙන සිත්හි ධාරණය කරගෙන තනුව සවන් යොමා ඒවා මනාලෙස සම්බන්ධීකරණය වන සේ ඒ කාර්යය සම්පුර්ණ කෙරේ
ඇතැම් දේශිය විදේශිය ගී නිර්මාණයන්හි තනුව අදාළ ගායකයා ගේ මනසේ අකාස්‌මිකව හටගනු ලැබ ඔහු විසින් එය මුමුණයි
ඊට සවන්දී ඊලග වැදගත්ම පියවර සඳහා මැදිහත් විය යුත්තේද සංගීතය විෂයනුබද්ධව පුඵල්ව හදාරා එහි අභ්‍යාසයන්හි නිරතව ඒ පිළිබඳව අත්දැකීම් ඇත්තෝය ඔවුහු අදාල මිමිණීම සංගීත භාෂාවට පරිවර්තනය කරති එනම් ස්‌වර ලිපියක්‌ බවට හරවා දෙන්නට දායක වෙති
එයිනුදු අදාළ නිර්මාණ කාර්යය නිමාවක්‌ නොදකී අන්තර් වාද්‍ය ඛන්ඩ තනුවෙන් කියවෙන තාලය අනුව නිපැයූ සංගීත රටා වැයීමට සුදුසු කිනම් අයුරකින්දැයි යන්නද ඒ සඳහා තෝරාගත යුත්තේ කුමානාකරයේ වාද්‍ය භාන්ඩදැයි යන්න ද තීරණය කෙරිය යුතුය ඒ අනුව අදාළ වාද්‍ය ශිල්පීන් කැඳවා සම්බන්ධීකරණය කළ යුතුය
ස්‌වර ලිපි ඔස්‌සේ යමින් ඔවුන්ව පුහුණු කළ යුතුය
අවසාන පියවරේදි අදාළ ගායකයා හෝ ගායිකාව කැඳවා තනුව වයා පෙන්වා ගයා පෙන්වා වාදක මන්ඩලය යොදා පෙර පුහුණුව සිදුකළ යුතුය
මේ සඳහා සැලකිය යුතු පිරිසකගේ ශ්‍රම දායකත්වය හා කාලය වැය කළ යුතුය
ගී ශ්‍රාවකයන් මේ සියුම් කරුණු කෙරෙහි සැළකිලිමත් නොවෙති අදාළ නිර්මාණය රසවිඳින්නට ඒවා අනවශ්‍යයය
ඒ සමගම එයාකාර ආත්මාර්ථකාමි සිතිවිලි තම මනස වෙළෙද්දී එය මැඩපවත්වාගනිමින් එකී ශීල්පීන් ගේ අමිල නිර්මාණ දායකත්වය පැසසිමෙන් අගය කරනු ලැබීමෙන් ඔවුහු වඩාත් ෙෙධ්‍යර්යමත්වය නව පන්නරය ලබමින් වඩාත් සුන්දර මධුර මනෝහර නිර්මාණ නිර්මාණය පිනිස කැප වෙනවා ඇත
පදමලාව නිර්මාණය හා තනුව යෙදීම යන දෙකරුණටත් වඩා සංකීර්ණ නිර්මාණකරණයක යෙදිය යුත්තේ පසුව ඉහත සඳහන් කළ සංගීත අධ්‍යක්‍ෂවරයාය ඔහු ගීතය පටිගත කිරීමේදී තම වාද්‍ය වෘන්දය මෙහෙයවීමේ කටයුත්තේ නිරත වෙයි
මේ ලිපියෙන් සාකච්ඡාවට බඳුන් වන ජ්‍යෙෂ්ඨ සංගීතඥ නැසිගිය ආර් ඒ චන්ද්‍රසේනයන් ඉහත කී සියුම් නිර්මාණකාර්යයේ පරතෙරට පැමිණ ඒ කටයුත්තේ මනා ලෙස නිරතවූ පුරෝගාමියෙකි
සංගීත සංයෝජනයේ එනම් අධ්‍යක්‍ෂණයේ නිපුණතාවයක්‌ ලබා සිටි බී ඇස්‌ පෙරේරා ගේ අභාවයෙන් පසු එකී කටයුත්ත අඛන්ඩව සිදුවුයේ මේ ආර් ඒ චන්ද්‍රසේනයන් ගේ ගුරුහරුකම් උපදෙස්‌ අවවාද යටතේය
එකී ක්‍ෂේත්‍රයේ සුරුවිරුපෑ ශීල්පීන් විරළබව හමුවේ ඒ කාර්යය තමන්ගේ කරට ගෙන නගරයෙන් නගරයට යමින් සංගීත සංදර්ශන වාද්‍ය වෘන්දයන් මෙහෙයවීමද නොයෙක්‌ ශබ්දාගාරයන් වෙත ගොස්‌ වෙළඳ තැටි ගී නිර්මාණ පටිගතකිරිමේ වාද්‍ය ශිල්පීන් ගේ නියමුවා ලෙසින්ද ඔහු අතිශයින් කාර්ය බහුල දිවියක්‌ ගත කළේය
සංගීතඥ ආර් ඒ චන්ද්රසේන සහ එම මහත්මිය සිය සිසු කැළ සමග
60 දශකයේ ක්‍රමයෙන් ජනප්‍රීයත්වයට පත්වූ වෙළඳ තැටි උදෙසා ගැයුණු හර්මනි එනම් කන්ඩායම් ගී නමින් එදාද අදද ගුවන් විදුලියේ වර්ගීකරණයට පාත්‍ර වූ ගීත සංගීත සංයෝජන ගුරුහරුකම් ලැබුයේ චන්ද්‍රසේනයන් වෙතිනි
ඒ සඳහා නොමසුරුව තම කාලය හා ශ්‍රමය වැය කරමින් ස්‌වකීය වාද්‍ය වෘන්දයේ සහය ලබාදුන්නේය ක්‍ෂෙත්‍රයේ ශිල්පීන් විමසන ලදුව ගීතයක සංගීත සංයෝජනයේ ඇතිවන ගැටඵ දුරවබෝධී කරුණු වහා නිරාකරණය කර දෙන්නට හෙතම සැදී පැහැදී සිටියේය
එහෙත් ඒවා හෙළිදරවු කරන්නට හෝ ඉදිරිපත් වී තම දායකත්වය පිළිබඳව ලැබිය යුතු ගරු බුහුමුන හෝ කිසිවිටක නොපැතීය
දසබලධාරී බුදුරජු පෙරකළ නම් බොදු ගීතය ඔස්‌සේ ජනගත වූ චන්ද්‍රසේනයන් එහි කියෑවුණු බෝසත් ගුණයන් හි පිහිටා සිටිමින් තමා ගුරුහරුකම් සුරුවිරුකම් පෑ වෙනත් ශිල්පීන් ගේ ගී නිර්මාණයන් ජනප්‍රීය වී ශ්‍රාවකයන් අතර රැඳෙනු දකිමින් නිහතමානීව සතුටු විය
ගුවන් විදුලියෙන් පරිබාහිරව ගී පටිගතකිරීම් සංගීත සංදර්ශන වෙනත් ගී ප්‍රසංගයන් හිදී ශිල්පීන් පමණක්‌ නොව වෘත්තිකයන්ගේ හා රසිකයන්ගේ මුවග තුඩ තුඩ රැවදුන්නේ චන්ද්රසේන මාස්‌ටර් යන නාමය බව පසක්‌ කරවන්නට සමත් නිදසුන් බොහෝය
60 දශකයේ දී ඔහු නව ආරක ගී ප්‍රසංග මාලාවක්‌ සංවිධානය කරන්නට පෙරමුණ ගත්හ ඒවා සිය පියඹ - දියණිවරු ගේ නාමයන් අනුව යමින් නී කරය යොදා චතුරංගනී පංචගනී ලෙස නම් කෙරිණි එවක සුපිරි තරු යුවල වු රුක්‌මණී දේවි සහ එඩී ජයමාන්න ඇතුඵ ගායන ශිල්පීන් ගණනාවක දායකත්වය නිසා ජන ගංගා උතුරා ගලා ගියහ
මේවා යේ නිවේදක කටයුතු සිදුකලේ ගුවන් විදුලියේ ඒ කටයුත්තේ ප්‍රවිණයන් වු කරුණාරත්න අබේසේකර හා ආනන්ද සරත් විමලවීරයන්ය
තම ගම්පියස වූ කන්ද උඩරට සෙංකඩගල පුරයේ ප්‍රමුඛතම ව්‍යාපාරික ප්‍රභූවරයෙකු වූ ඊ ඩබ්ලිව් බාලසූරිය මහතා විසින් එහි පවත්වාගෙන ගිය කැන්ඩි ලේක්‌ ක්‌ලබ් හි සංගීත ප්‍රසංග මෙහෙයවීම සිදුකලේ ද චන්ද්‍රසේනයන්ය
ඒ නගරයට ආසන්න කඩුගන්නාවේ උප නගරවැසියෙකු වු සංගීතලෝලී ආධුනික වික්‌ටර් රත්නායක නම් යව්වනයා ගේ දස්‌කම් අගයා එහි කැඳවා ගයවා වයවා හෙළගී ක්‍ෂේත්‍රයට ඒ අමිල නිධානය හිමිකරවාදෙන්නට මුල්වුයේද මෙකි චන්ද්‍රසේනයන්මය
එවකට බොහෝ ශිල්පීන්හට දුරවබෝධී රේඛා මන්ඩල ප්‍රස්‌ථාර ක්‍රමයේ මුලධර්ම කියා පහදා දෙන්නට නොපැකිලුනේ ඒ සඳහා තම දයාබර බිරිඳ ශ්‍රියානි චන්ද්‍රසේනයන් වද හවුල් කරගෙනය
බටහිර සංගීතයේ ප්‍රකට හර්මනි ශිල්පිය ක්‍රම සුසංවාද ප්‍රසංවාද ප්‍රයෝග ප්‍රයෝගිකව සිංහල ගී නිර්මාණ උදෙසා භාවිතා කිරිමේ කලාව හා ඊට ඇවැසි පුහුණුව වෙනුවෙන් අතහිත දුන්නේය
සිනමා හා වෙළඳ තැටි පටිගතකිරීම් හමුවේ තමාට හිමිවු අවස්‌ථාවන්හිදී ප්‍රවිණ ජ්‍යෙෂ්ඨ ශිල්පීන් ගේ දායකත්වය රිසි සේ ලබාගත හැකිව තිබියදී ඔහු එය පසකලා ආධුනිකයන් හට අවස්‌ථාව ලබා දුන්නේය
පසුව දිවයිනේ ජනප්‍රියතම ගායන තරු ලෙස අබිසෙස්‌ ලැබු වෝ කලෙක ඔහුගේ නිවස්‌නය ද වු මරදානේ දුම්රිය ස්‌ථානයට විරුද්ධ දෙසින් පිහිටා තිබුනු චන්ද්රසේන සංගීතායතනයේ ඉදිරිපස පෙළ ගැසි සිටියෝ වූහ ඒ ඔහුගේ සංගීත ප්‍රසංගයන්හි ගීයක්‌ ගයා රසිකයන් අතර සිය නම රැන්දවීමේ වරය අපේක්‍ෂාවෙනි
චන්ද්රසේන සංගීතායතනය වෙත ශිල්ප පතා පැමිණි දියණිවරුන් පටිගත කිරීම් උදෙසා සහභාගිකරවා ගනු ලැබීය පසුව චන්ද්රසේන ආර් ඒ සී ලේබලයේ ගී ගැයු චම්පා අතපත්තු එවැන්නියකි
නිහාල් නෙල්සන් ධනපාල උඩවත්ත ඩබ්ලිව් ප්‍රේමරත්න ඒ අතරින් පසුව ජනප්‍රියත්වයේ හිනිපෙත්ත කරා යොමුකරවුයේ ය විවිධාකාර සංගීත භාන්ඩ වාදනය ශිල්ප හැදෑරිම පිනිස එහි ඇතුළත් වු ආධුනිකයන් ඔහු විසින් ගුවන් විදුලි වාද්‍ය වෘන්දය වෙත යොමුකරවනු ලැබුවේය
මෙයාකාර අසිරු ගමනක යෙදෙමින් මහත් සේ කාලය ශ්‍රමය හා ධනය ද වැයකරමින් තමා දැඩි සේ ඇඵම් කල ගී තනු නිර්මාණ කටයුත්තේ යෙදි සිටි ඔහු ඒ දක්‌වා පස්‌විසිවසරක කාලයක්‌ ගතකර තිබිණි
ප්‍රවිණ ගුවන් විදුලි නිවේදක ගී පද රචක කරුණාරත්න අබේසේකරයන් එඩි - රුක්‌මණි යුවළ ඇතුඵ මිගමුවේ මිනර්වා සමාජිකයන් පුවත්පත් කලාවේදීන් ප්‍රසංග සංවිධායකයන් වෘත්තිය මට්‌ටමෙන් හා පෞද්ගලිකව ද ඔහු ඇසුරු කළහ
මේ 1961 වසරයි ඒ මිතුරු කැළ අතර සිටි එම් පී ගිල්මන් තමන් විසින් නිර්මාණය කරන්නට නියමිත සිනමාපටයේ සංගීත ඇදුරුකම කරන්නට චන්ද්‍රසේනයන් හට පවරා තිබිනි
එවර සරසවි දෙවි තොමෝ ඔහුගෙන් දුරස්‌ ව ගිය හැඩකි වාසනාව සැමවිමට ලග රැදෙන්නේ නොවේ වැදිබිම වෙනුවෙන් ඔහු මැවු උක්‌ත සත්සර රටා වියැකි වියළි ගියේය
මේ අතරවාරයේ අමරසේන කුමාරසිංහ නම් මිතුරා තවත් සිනමා නිර්මාණයකට අතගැසුවේ චන්ද්‍රසේනයන් හට එහි ගීත නිර්මාණය කරන්නට ඇරයුම් කරමිනි
එවර ඔහු දිවා රෑ නොබලා වෙහෙස ව ඊට තම උපරිම ශක්‌තිය යෙදවීය කරුණාරත්න අබේසේකරයන් ගේ පෑන් තුඩින් ගලා ආ පහත වදන් එකිනෙක සත්සර මුතුපට ලා අමුණනන්ට පටන් ගත්තේය
මිහිළිය ගේ තුණු සපුව පුරා..........
විහිදුණු දිවයුරු යුවළ නෙළා...............
මිහිදුම් සඵවෙන් ජයට ඔතා.................
ඉගිබිගි පාමින් කියන කථා..............
මෙතැනින් සවන්දෙන්න
-----------------------
එතාක්‌ ක්‍ෂෙත්‍රයේ නොරැඳි නැවුම් හඩක්‌ යොදාගත්තේ නම් මැනැවයි ඔහුට පසක්‌විනි ඩබ්ලිව් ප්‍රේමරත්න ගැයු මුල්ම ගීතයෙන් පසුකලක ඒ නාමය දසත පැතිර ගියේය
ලස්‌සන මලකට ළංවි - වන බඹරු ගයා පෙම් ගී..........
එහි රොන් රසය උරති සැංගී.............
අසමාන රූපේ ලෝකේ - පුදතී දනෝ.......
රණහංස ළමැදේ දෑසේ - සුවදේ මනෝ - තුසිතේ සැප දේ සිනා.....
අමරසේන කුමාරසිංහ - මිරිගුව (මහජන ප්‍රදර්ශනය - 1971 ගීත - 1964)
ආර් ඒ චන්ද්රසේන
කරුණාරත්න අබේසේකර
මෙතැනින් සවන්දෙන්න
-----------------------
දිවයිනේ විශේෂයෙන් කලා කටයුතු වැඩිමන්වම සිදුවෙමින් පැවති අගනුවර ආර් ඒ චන්ද්රසේන නාමය දසත පැතිරි යමින් පැවතුනු අතර විනෝද එළිමහන් සංගීත ප්‍රසංග කලාව බටහිර තනු නිර්මාණ ගැබ්වු සිංහල ගීත යන මෙකිනොකි ක්‍ෂේත්‍රයන්ට පිවිසෙන්නට සිහින මැවු අධුනිකයන්ගේ නවාතැන චන්ද්රසේන සංගීතායතනයයි
නිහාල් නෙල්සන් නමින් වු අධුනික තරුණයෙකු චන්ද්‍රසේනයන් හමුවේ පෙනි සිටියේය ඒ තමා වෙත ලැබි තිබුනු පදමාලාවකට තනු නිර්මාණය කරගැනීම පිනිසය
ඒ යව්වනයාටම සරිලන වේගරිද්ම තනුවකින් සුසැදි ඒ ගීතය 1963 වසරේ දිනක ජාතික ගුවන් විදුලියෙන් විසුරුවා හැරියේ කරුණාරත්න අබේසේකරයන්ගේ හඳුන්වාදීමේ පාඨයකිනි
ලස්‌සනට පිපුණු වනමල් ගල් පීරෙන දියවැල්.....................
මං ආස කරන මැණික්‌ කැටේ නිල්...............
දුර ඈත කැලේ ගල් ගුහාවක ගෙවනවා කල්...............
ලස්‌සන මගේ කිරිල්ලි සුරතල්..................
පද රචනය - සරත් මුණසිංහ (පසුව බමුණුගම ශාන්තවිමල හිමි නමින් පැවදි දිවියට එළඹින එපා එපා මස් කන්නට කිරි අම්මාගේ ගීතය ඇතුඵ නිහාල් නෙල්සන් වෙනුවෙන් ගී කිහිපයක් රචනා කරන ලදී
මෙතැනින් සවන්දෙන්න
-----------------------
ගෙවිගියේ යම්තම් මාස කිහිපයකි එවර ඔහු කරා එළඹියේ රෝලන්ඩ් අමරසිංහ නම් වු අංකුර සිනමා වේදියාය තමාගේ නවතම කෘතියේ ගී තනු නිර්මාණ සඳහා ඔහු ද චන්ද්‍රසේනයන් තෝරාගෙනු ලැබ සිටියේය
ගුවන් විදුලියෙන් ඈත්වෙමින් ද සිනමා ගී ගායනයෙන් මදින් මද දුරස්‌වෙමින් ද හුදකලා වෙමින් සිටි ස්‌වකීය මිතුරු ධර්මදාස වල්පොල ට අවස්‌ථාවක්‌ උදාකරදෙන්නට ඔහු ඉටගත්තේය
ජීවිතේ ජීවිතේ ප්‍රීති සංචාරෙකි ලොවේ - ගමන මිහිරේ රසයි විනෝදයි......
සිත දිවා රෑ රැඳී සුවේ..................
අහසේ පාවේන සුනිල් වළා - කන්ද සිඹ සිඹ තුරුල්වෙලා..........
රහස කොඳුරයි හැබැයි නොතෙරෙයි - යන්න හිතෙනවා ඉගිල්ලිලා..........
රෝලන්ඩ් අමරසිංහ - කොළඹ හාදයෝ - 1966
ආර් ඒ චන්ද්රසේන
කරුණාරත්න අබේසේකර
මෙතැනින් සවන්දෙන්න
-----------------------
එය කොළඹ හාදයෝ නමින් 1966 වසරේ තිරගත කෙරිණි මෙකී වසර වසර සිංහල සිනමා ගීත කලාවේ අති සුවිශේෂී වසරක්‌ බවට පත්විනි
කේ වෙන්කටසාලවන් ගේ මහ රෑ හමුවූ ස්‌ත්‍රිය සිනමා පටයේ සංගීතඥ එම් කේ රොක්‌සාමි ගේ ස්‌වරරචනා වූ
01 සරවන බව කඳසුරිඳුගේ තෙදබලේ (මොහිදීන් බෙග් - කරුණාරත්න අබේසේකර)
සිනමාවේදී කේ ඒ ඩබ්ලිව් පෙරේරා ගේ අති සාර්ථක සැනසුම කොතනද සිනමා පටයේ ආචාර්ය ප්‍රේමසිරි කේමදාසයන් නිර්මිත අමරණිය ගීතාවලිය වූ
02 සුළං කුරුල්ලෝ හෙමින් ඉගිල්ලේ (හරූන් ලන්ත්‍රා - ඇන්ජලීන් ගුණතිලක - පබැඳුම - ධර්මසිරි ගමගේ)
03 තරුණ සිතක මිහිර රැගෙන අපු කුරුල්ලා (සී ඩි ෆොන්සේකා)
04 සංසාර ගමනේ තන්හා ආශා - ක්‌ලේශ මාර සේනා (පන්ඩිත් අමරදේව)
ධර්ම ශ්‍රී කල්දේරා අධ්‍යක්‍ෂණය කල සීතල වතුර සිනමාපටය වෙනුවෙන් කේමදාසයන් ගේ තනු රචනා අඩංගු
05 මංගල දිනයේ රසමධු පානේ (ලතා - ධර්මදාස - ශ්‍රී චන්ද්‍රරත්න මානවසිංහ)
ආචාර්ය ලෙස්‌ටර් ගේ දෙළොවක්‌ අතර සිනමාපටය වෙනුවෙන් පන්ඩිත් අමරදේවයන් ගේ සංගීත නිර්මණ රැගත්
06 ගයන ගැයුම් නටන නැටුම් (නෙවිල් ප්‍රනාන්දු)
කේ ඒ ඩබ්ලිව් පෙරේරා ගේ කපටිකම සිනමාකෘතියේ ලතා වල්පොළ ගැයු
07 කුරුඵ රෑන් රෑන් රෑන් සතුට ගේන් ගේන් ගේන්
ලයනල් අමරසිංහ ගේ වෙසෙතුරු සිරිත කෘතියේ පන්ඩිත් අමරදේවයන් ගේ සත්සර මුසුව ගැබ් වූ
08 රුවන් වළා දුහුල් කඩින් එබි සඳේ රිදි කැඵම් (නන්දා මලනී - මහගම සේකර)
හා
සිනමාලෝලින් මන්මත් කල අදද කථාබහට ලක්‌වන ගාමිණි ෆොන්සේකා සිනමාවේදියාගේ පරසතු මල් සිනමා කෘතියේ ආචාර්ය ලයනල් අල්ගම ගේ නිර්මාණයක්‌ වූ
09 පරවුනු මල්වල සුවඳ අතීතේ - (සුජතා අත්තනායක)
එකිනෙක පරයා නැගී දසත සුගන්ධවත් වූ ගී පුෂ්ප මාලාවක පිබිදීම සනිටුහන් කලේය
ලේක්‌හවුස්‌ ආයතනය විසින් පළකරන්නට යෙදුනු සරසවිය සිනමා පුවත්පත අනුග්‍රහයෙන් ක්‍ෂේත්‍රයේ නිර්මාණකරුවන් වෙනුවෙන් සංවිධානය කරනු ලැබු සරසවිය සිනමා උළෙලේදි සම්මානිත විම සිනමා කලාකරුවෙකු ගේ සංගීතවේදියෙකුගේ ගායන ශිල්පියෙකු ගේ එදාමෙදා තුර ඒකායන ප්‍රාර්ථනයයි සිහිනයයි
ඔහු හෝ ඇය කලාලොවේ තමා නිරතව සිටින ක්‍ෂෙත්‍රයේ රජුන් රැජිනන් බඳු ලෙස කිරුඵ පැළැඳීම සිදුකරනා එකි උළෙලේ එළඹෙන මොහොත ඔවුහු අතැගිලි ගනිමින් බලා සිටිති
1967 වසර ගතවෙමින් තිබිණි එක්‌තරා දිනක තම සංගීත දිවියේ අසන්නට ලැබු සුන්දරතම වදන් පෙළ ගැබ් වූ පනිවිඩය සිහින පැතුම් මල්ඵල ගැන්වීමේ ඉගිය ඔහුට ලැබිනි
තමා විසින් සංගීත අධ්‍යක්‍ෂණය කරන්නට යෙදුනු කොළඹ හාදයෝ සිනමාපටය වෙනුවෙන් ලතා වල්පොල ලවා ගායනා කරවා ඇතුළත් කරනු ලැබූ අලෝකේ දිලා අපේ ගම නාගාලා නිර්මාණය ඒ වසරේ හෙල සිනමා ගී ලොව අභිසෙස්‌ නංවන්නට සුදනම් ව තිබිමේ තොරතුරයි
අසන්න මෙතැනින්
---------------------
මහත් සේ උද්දාමයට පත් චන්ද්‍රසේනයන් එවැන්නක පැවතිය යුතු රහස්‍යභාවය ඒ වෙනුවෙන් අනුගමනය කල යුතු වැඩපිළිවෙල සම්බන්ධයෙන් අමතකව ගොස්‌ තිබිණි
ඒ සුභ පණිවුඩය තම හිත මිතුරු කැළ හා කියාපාමින් තම නොහිම් සතුට බෙදාහදාගන්නට ඔහු ඉක්‌මන් විය
සම්මාන උළෙල පැවැත්වෙන ඒ සුභ දිනය එළැඹියේය
උළෙලේ කටයුතු උත්කර්ෂවත් අන්දමින් සිදුවෙමින් පැවතින
තමා කලා දිවියේ අසිරිමත් මොහෙත එළෙඹියේය සම්මානයට අදාල නිවේදනය සුදානම්ය
මේ වසරේ විශිෂ්ඨතම සංගීත අධ්‍යක්‍ෂණය වෙනුවෙන් පිරිනැමෙන සම්මාණය අත්හිටවනු ලැබ ඇති බව කරැණාවෙන් සළකන්න
චන්ද්‍රසේනයන් ට තම හෘද ස්‌පන්දනය නැවති ඇතැයි සිතිනි
කුමක්‌ද සිදුවුනු පෙරළිය ? කෙසේ එය ගිළිහුනිද ? තීරණය වෙනස්‌ කර ඇත්තේ මන්ද ?
ඊට පසුබිම් වු සිද්ධිය හාරා අවුස්‌සනු ලැබූ පසුවිපරමින් හෙළි වු දෑ ඔහුගේ කම්පණය දෙගුණ තෙගුණ කරනු ලැබීය එක්‌තරා කලෙක තමා යටතේ තමාගේ ම ගුරු හරුකම් ලැබූ සගයෙකු ගේ නම ඊට ගෑවිගොසිනි
ජූරි සභාවට සියගණනක්‌ තැපැල් පත් ද පෙත්සම් ද ලැබී තිබුණු බවත් විනිශ්චය මන්ඩලයේ රහස්‍ය භාවය කෙළෙසා ඇති බවත් එයින් පවසනු ලැබ තිබිනි
රුදුරු ගොර සපුන් අරක්‌ගෙන ඇත්තේ තමාගේ මේ ක්‍ෂේත්‍රයේ නොවේදැයි ඔහුට සිතිනි
ඔහු බලවත් ලෙස කැළඹීමට පත් වි සිටියේය මෙයින් සමුගෙන ඉවත්ව යනවාද නැතහොත් මේ අසාධරණයන් දරා සිට ඊට මුහුණ දී රැඳී සිටිනවාද යන පැණය ඔහු ට ඉතිරිව තිබුනි
මතු දිනක යළි හමුවෙමු ...........................
(විශේෂ ස්තුතිය - ආචාරිනී දර්ශනී චන්ද්රසේන - ආර් ඒ චන්ද්රසේන කණිටු දියණිය)
