namal67@gmail.com

namal67@gmail.com
සටහන් පෙළගැස්ම‍ Prabath Rajasooriya

Monday, August 21, 2017

එදා ඇසුණු සොඳුරු ගීයක අඳුරු වරුණ .....

මැලියම් - යකඩ ඇණ සංගීත පාලකවරුන්ගේ විජිතයක තතු - 1971

අතිබහුතර සාමාන්‍ය වැසියන් ගී රසිකයන් - සිනමාලෝලීන් වූ ද සුන්දර ගී රන් යුගය වු ද 70 දශකය අඩසියවසක ට පසුව වත්මන් යුගය හා සැසඳීමේදී සැළකිය යුතු තරමින් වෙනස්‌ වන්නේ කරුණු ගණනාවකිනි 

21 සියවසේ දෙවන දශකයේ ද අවසානයට එළඹුනු කාලය ලෝ දහමට නතු වෙමින් මැවු අරුමයේ ධනාත්මක සාධක මෙන්ම ඊට යටින් සෘණාත්මක සාධක ද බෝහෝය

එදවසට වඩා  අද ගී ලොව මහත් විපර්යාසයකට ලක් වි ඇති බවක් පෙනියයි

වසනාවකට හෝ අවසනාවකට එදවස ඉහත කී අති මහත් රසික කැළ පිනවන්නට පෙරමුණ ගත්තේ සර්වබලධාරී ඒකාධිකාරී එකම රාජ්‍ය විද්යුත් මාධ්‍ය වු ගුවන් විදුලියයි


ඉහත ජනකාය අතරින් ගී රස උන්මාදයෙන් පෙලුණාවු රසික දනන් සිය හැකියාවන් දියුණු තියුණු කරගනිමින් උදේ හවා එහි ඇළි ගැළෙමින් ගායන ලොවට පිවිසෙන්නට වරම් පැතිය යුත්තේ ද එයිනි

ඒ ද නෙක වරක්‌ වැට කඩොඵ පසුකරමින් බාධක හිරිහැර විඳ ගනිමින්ය 

එකී දැවැන්ත අභියෝගය කරට ගන්නට මැළි වුයේ නම් ඉතිරිව තිබුනු එකම විකල්පය වුයේ අද මෙන්ම සිය බරපැණ යොදවා වෙහෙස දරා කැප වී තමන් විසින්ම පෞද්ගලිකව ගී නිර්මාණය කර ගැනීමයි
එය එසේ නමුදු අවසානයේ ඒවයේ ඉරණම තීන්දු කරවන සර්වබලධාරයා ද වුයේ ඉහත කී ගුවන් විදුලියයි 

මන්ද යත් වත්මනෙහි මින් මිල මුදල් අත නොගැවසුනු අති බහුතර සාමාන්‍ය ගී රසික දෙසවන් ආමන්ත්‍රණය කරන්නට සුපිරි වරම් ලැබ තිබුනේ ඊට හෙයිනි

අංකුර සංගීතඥයන්ගේ ද ගායකයන් ගේද අනාගතය නම් ගැල් රථය ඇදි ගොණුගේ රැහැන් පට දෙඅත රඳවා සිටි රථාචාර්යයා ඒ යුගයේ මෙකී ආයතනයේ සුපිරි තනතුරක්‌ වු සංගීත පාලකවරයාය

මේ සටහන එදා මතු නොව අද රසිකයන් ද සිය මධුර නාදයෙන් වසග කල එදා නවකයෙකු එදා සිය නිර්මාණ බිහිකරන්නට දැරූ වෙර වීරියේ පසුබිම් කථාවයි

මේ 1971 වසරයි


සිය නොසංසිඳෙන ගී පිපාසාව මදකුදු හෝ සංසිඳවාගනු පිනිස එක්‌තරා යෞවනයෙකුට සිය හඞින් ගීතයක්‌ පටිගත කරගන්නට සිතක්‌ පහළ වී තිබුනි ඒ සඳහා නම්දැරූ තැනැත්තන් අතර එදා ප්‍රේමකීර්ති ද අල්විස්‌ නාමය ද ඉහළින්ම කියෑවි තිබුනෙන් ඔහු ගේ දායකත්වය ඒ සඳහා නොමසුරුව පිරිනැමිනි

ගීත කලාව අත්මය කරගත් ඔහු තමා සන්තක ධනය ඒ සඳහා ආයෝජනය කරන්නට කිසිවිටකුදු මැළි නොවී එය පෞද්ගලික පටිගත කිරිමක්‌ ලෙස සිදුකරන්නට තීරණය කරගත්තේ එහි ඇදි දැඩි අවදානමද සිය උරමත පවරා ගනිමිනි

ඒ කිනම් අවදානමක්‌ද යත් ගීතය ජනගත කිරීමේ ඒකාධිකාරී බලය සතු වු ගුවන් විදුලි සංගීත පාලකතුමාණෝ ගේ ලිබීත අනුමැතිය ලැබීමේ වගකීමයි ලක්‌ වැසියා රජයේ ගුවන් විදුලියෙන් ශ්‍රවණය කළයුත්තේ ඔහු කැමති ගීත හෝ ඔහුගේ ඉහළ නිලදරුවන් සිත්ගත් ගීත පමණක්‌ වු හෙයිනි 

ඒ අනුව ලංකිය සිංහල ගී රසිකත්වය ද සංගීත ප්‍රතිපත්තියද තීරණය විය යුත්තේ ඔහු සහ ඔහුගේ සංගීත ආර වු හින්දුස්‌ථානි සංගීතය ළැදි කල්ලිය විසිනි 

මින් වසර 7 කට පසුව එළඹි වීවෘත ආර්ථිකයේ ප්‍රතිඵලයක්‌ ලෙස පෞද්ගලික සංගීත රසවින්දනය ට පදනම් වු කැසටයේ ආගමනයෙන් තුනී වී තවත් වසර 16 කට පසුව ලාංකිය විද්යුත් ජනමාධ්‍යයේ එකාධිකාරය බිඳවැටෙන තුරු ම තත්වය මෙසේම විය එය කෙසේ වි නමුදු අන් සියඵ අවස්‌ථාවන්හිදී මෙන්ම මෙහිද අනිටු ඵලවිපාක ද ඉෂ්ඨාර්ථයන්ද ප්‍රකට වුවද දෙවැන්න ඉක්‌මවා පළමුවැන්න පෙරමුණ ගැනීම වෙනම සාකච්ඡාවට බඳුන් විය යුතු කරුණකි

මේ නිර්මාණයට තමන් විසින්ම මුසුකල තනු රටාවේ හැඩ වැඩ අලංකරණ සඳහා සිය හිත මිතුරු යොවුන් ගීටාර් වාදකයෙකු වු උපාලි කන්නංගර වෙත පවරණ ලදී

දැන් ඇත්තේ අවසාන එසේම වඩාත් භාරදුර කටයුත්තයි ඒ සඳහා ඔහු ගේ තේරීම එවකට ක්‍ෂේස්‌ත්‍රයේ ප්‍රවිණ පටිගත කිරීමේ ශිල්පී ඕගී රණවිරයන්ය ක්‍ෂේත්‍රය පිළිබඳව රණවිරණයන් සතු පුඵල් අවබෝධය ඔහු මනාව පසක්‌ කරගෙන සිටියේය

සත්‍ය ලෙසම ඔහු මේ සුන්දර නිර්මාණයේ පසුබිමේ යෝධ සෙවනැල්ල විය ඒ උපදෙස්‌ ගරු කොට ගුරු කොට ගත් අප කථා නායකයා ඔහුගේ අදහස ක්‍රියාත්මක කරන්නට ඉඩ හැරියේය ඒ අනුව එවක සිංහල ගීතයන් සඳහා ඒ දක්‌වා භාවිතා නෙවුනු තරම් වු රිවර්බ් (Reverb) නම් තාක්‍ෂණික ප්‍රයෝගය ඊට යොදා ගනු ලැබිය

මේ නිර්මාණයේ සුවිශිතා එපමණකින් අවසන් නොවේ සංගීතඥ ප්‍රවිණ ගිටාර් වාදක උපාලි කන්නන්ගර වෙළඳ පටිගතකිරීමක්‌ සඳහා සංගීත අධ්‍යක්‍ෂණය කරමින් තමා විසින්ම ලිඩ් ගිටාරය වැයු මංගල මොහොත ද එයම විය

එසේම පසුව ගීත කලාවේ පසුබිම් වාදක මන්ඩලයේ දැවැන්තයෙකු වු මහින්ද සිල්වා නම් යොවුන් ඩ්‍රම්ස්‌ වාදකයාගේ ආගමනය ද එයම විය

සියල්ල හොඳින් සිදුවි ගීතය අඩංගු මුලික හඞ පටය ලංකීය ගීත කලාවේ රන් දෙවොලේ ආසිරි වරම් ගැන්වීමේ පුජාසනය වෙත යොමු කෙරිණි

ඛේදජනක ලෙස සිදුවිය නොහැකි ලෙස අදහගන්නට බැරි ලෙස නොසිතු නොපැතු අවසානාවන්ත ඉරණම ට එය ගොදුරුව ගියේ ගීතය 

වාදනයට නොසුදුසු ලෙස නිර්දේශ කර දෙවොලේ පරමල් කුණු බක්‌කියට වැටීමේ තින්දුවට යටත් වීමයි

එහෙත් එහිද හදවත් ඇත්තෝ ගැලවුම්කරුවෝ පක්‍ෂග්‍රාහි නොවි ස්‌වාධිනව කටයුතු කළ රසිකයන් නොසිටියේ නොවේ මෙවර අප යෞවනයා වෙනුවෙන් පෙනි සිටියේ එහි ජ්‍යෙෂ්ඨ නිවේදකයෙකු වු කේ ඩි කේ ධර්මවර්ධනයන්ය

ඔහු අදාල බලධාරියා ගේ තීරණය අභීයෝගයට ලක්‌ කලේය

ඇයි මොකක්‌ද මේ ලස්‌සන සිංදුවක්‌ නේ ...........?  මේක නවත්තන්න කිසි හේතුවක්‌ නෑ නේ රෑ හරිම අසාධාරනයක්‌ .....................

සිය කාර්ය මන්ඩලයේ සගයා ගේ විරෝධය පිළිකුළ ඉරියව් වලින් වටහා ගත් නිසාදෝ තමාගේම ගී නිර්මාණයන් පවා වාදනය කිරිමේ වගකීම උරදරා සිටි මේ නිවේදකයාට එරෙහිවීම සම්බන්ධව දෙවරක්‌ සිතු බලධාරියා ට පියවරක්‌ අපස්‌සට ගන්නට සිදුවි තිබිණි

ගීතය තැටිගත කර වාදනය කරවු වහාම ලැබුනු ප්‍රතිචාරය අතිමහත්ය සති අන්තයේ වෙළඳ වැඩසටහන් සරසවාලු ගී පෙළ අතර ප්‍රමුඛයෙකු ලෙස එය කිරුඵ දරා සිටියේය

වසර ගණනක්‌ ගතවි දිනක අප ශිල්පියා නමට ගුවන් විදුලියෙන් ලැබුනු ලිපියකි

ඔබ විසින් අප වෙත භාර දෙන ලද 
ඇගේ සිනහව තහනම්  - කේ ඩි කේ ධර්මවර්ධන


නෙඵම් විලේ - ප්‍රේමකීර්ති ද අල්විස්‌

සත් දිනකින් ඔබේ කටහඞ - ප්‍රේමකීර්ති ද අල්විස්‌

යන මේ ගී ප්‍රචාරය පිනිස නොසුදුසු බවට නිර්දේශ වි ඇති බැවින් ඒවා අත්හිටුවන්නට තීරණය කර තිබෙන බව කණගාටුවෙන් දැනුම් දෙමි


තවද මාවතේ මල් වැහැලා - උපාලි ධනවල විතාන

ගීතය මිට අදාළ නොවන බවද සැළකිය යුතුය 

අත්සන් කලේ


........................................
සිංහල සේවා අධ්‍යක්ෂ

අදහනු නොහැකිය දශකයකට වඩා ජනප්‍රියත්වයේ හිනිපෙත්තේ රැඳි මේ ගී පෙළ හිටිහැටියේ ප්‍රචාරයට නොසුදුසු වි ඇත 


ඔහු වහා වහා ගුවන් විදුලියේ අදාළ ලිපියේ නම සඳහන් නිලදරුවා හමුවිය

මං නම් මුකුත් දන්නේ නෑ මල්ලී අරයා තමයි ඕවා කියන්නේ මං ඉතිං අත්සන් කලා තමයි මොනවා කරන්නද රෑ අමනාප වෙන්න නම් එපා 


ගීත නෑසී ගියේය

පසුව අප ශීල්පියාට දැනගන්නට ලැබුනේ අදාළ තැටියේ ජනප්‍රිය නොවී පැවති එක්‌ ගීතයක්‌ හැරුණුවිට සෙසු සියල්ල මත කිසියම් ලාටු වර්ගයක්‌ තවරා ඇති බවයි ඒ සඳහා පාලකතුමා පෞද්ගලිකව මැදිහත් වී ඇති බවද කියෑවිණි

දශක ගණනාවක්‌ ගත වී එවකට දිවයිනේ අතිශය ජනප්‍රිය සංගීත කන්ඩායමක්‌ වු සන්ෆ්ලවර් හි නායක ගායන ශීල්පී නීල් වර්ණකුලසූරිය මේ නිර්මාණය පිළිබඳව කළ සඳහනක්‌ අනුව තමා 1976 තරම් ඈත යුගයක ගීටාරයේ අත්පොත් තැබුවේ මේ නිර්මාණයේ අන්තර් වාද්‍ය ඛන්ඩ ඇසුරෙන් යන කරුණ හෙළිදරවු කලේය

ඔහු ගුවන් විදුලියෙන් බැහැර ලාංකිය ගීත කලාවේ නවමං සොයා ගියවුන් අතර ප්‍රමුඛයෙකු වු ප්‍රවිණ ජ්‍යෙෂ්ඨ ගායන ශිල්පී චන්ද්‍රකුමාර් කඳනාරච්චි ය


සවන්දෙන්න මේ අපුර්ව සුන්දර මුල් නිර්මාණය වෙත මෙතැනින්


------------------------------
ගී පද - නැසිගිය ප්‍රේමකීර්ති ද අල්විස්‌

සංගීතය - උපාලි කන්නන්ගර

පටිගත කිරිමේ ඉංජිනේරු - විශේෂ ශබ්ද ප්‍රයෝග - ඕගී රණවිර

වසර - 1971
---------------------------------

අහේතුකව වාරණය කරන ලද ඔහුගේ එදා නිර්මාණයක්‌ - 1971


අතීතයේ එක දවසක ඔබ අත ගෙන සැන්දෑවක....................

සක්‌මන් කළ වග වෙරළක - තවමත් මට මතකයි ........

කඵදු ඉඩොර්ය මැකිලා - සතුට වැස්‌ස ඇදහැළිලා........

පැතුම් ලතා නව දඵ ලා - වසන්තයට හැඞවෙයි .................

අහසේ තරු සළකුණු මැද - නියත පහන් තරුව ඔබයි .....................

ඒ අනුවයි ජීවන දැල - සිතු තැනක යන්නේ .......................

පද සංකල්පනාව - නැසිගිය කේ ඩි කේ ධර්මවර්ධන

තනුව - ගායකයා සතුයි


සංගීත නිර්මාණය - උපාලි කන්නංගර 

මෙතැනින් සවන්දෙන්න
--------------------------



(විශේෂ ස්‌තුතිය - ප්‍රවිණ ගායන ශිල්පී චන්ද්‍රකුමාර් කඳනාරච්චි)


Tuesday, August 1, 2017

එදා ගුවන් විදලියේ " V " පවුලේ වත ගොත බිඳක්‌ .....


ටික්‌කි ටිකිරි කැකුඵ මලක්‌ මං.......

එදා ගුවන් විදලියේ " V " පවුලේ වත ගොත බිඳක්‌ .............

අම්මපා  මම ඕකාව හත් දොහක්‌ දඞු කඳේ ගහලා  අවුරුද්දකට මහ උඵ ගෙදරට දක්‌කලයි පස්‌ස බලන්නේ අසමජ්ජාතියා මු මගේ කෝට්‌ බෑය ට වත් ගරු කරන්නෑ හැබෑට අපුදෙන්කෝ ඕකා........... 


ආ මැණීකේ මං මේ හොඳවයින් මි වදයක්‌ ඇඤ්ඤ ආවා....... 

ආ කදිරා  බොලේ හැබෑට අපි මේ උඹව මතක්‌ කලා විතරයි බං වරෙං වරෙං මොනවහරි සප්පායම් වෙලා යන්න බැරියැ...............


------------------
මුවන් පැළැස්ස තේමා වාදනය ට මෙතැනින් සවන් දෙන්න



අදින් වසර 30 කට එපිටින් සඳුදින හිරු අස්‌තගතවි දෙපැයක්‌ ගත වු හෝරාවේ එයුගයේ වැඩිහිටියන් පමණක්‌ නොව තරුණන් මෙන්ම ළමා අපද සියඵ වැඩ කටයුතු නවතා ගුවන් විදුලි යන්ත්‍රය වටා රොඳ බැඳවූ එදා සුපිරිතරු වැඩසටහකින් උපුටාගත් දෙබසකි මේ


වර්තාමානිකයන් හඞ කැවූ හින්දි ටෙලි උන්මාදයෙන් බැඳී රූප පෙට්‌ටිය වටා රොක්‌ වන්නේ යම්සේද එදා එතැන හිමිකරගත්තේ ගුවන් විදුලි නාට්‍යයන්ය ඒවා ද එවකට තිබුනු එකම ජාතික ගුවන් විදුලියේ සිංහල සේවා දෙකකින් විසුරුවා හරින ලදී  

මේ සටහන කියවන එදා ගුවන් විදුලි රසිකයන් ට කිසිසේත් ඉහත දෙබස්‌ ඛන්ඩ ආගන්තුක නොවනු ඇති බව නිසැකය මන්ද යත් ඉහත කී සියඵ නාට්‍ය වැඩසටහන් අතරින් 60 දශකයේ පටන් අඛන්ඩව  අංක 01 ප්‍රමුඛස්‌ථානයේ වැජඹෙමින් කොටස්‌ වශයෙන් ගුවන් ගතවු සුප්‍රසිද්ධ මුවන් පැළැස්‌ස නම් ගැමි නාට්‍යය නොඇසුවෙක්‌ එකල අසන්නන් අතර නොසිටි බව සහතික නිසාය


එහිදි ශ්‍රාවකයෝ තම තමන්ගේ චිත්තරූපවාහිනයේ  මැවුනු රූප දසුන් ඔස්‌සේ මසැසින් නොව මනසින් එය නරඹා රසවිඳින්නට පුරුදු විය


එහි පෙළගැසුනු චරිත ගණනාවක්‌ අතරින්ද වඩාත් ශ්‍රාවක ආකර්ශනය දිනු  කෝරළේ මහත්තයා ප්‍රවිණ රංගනවේදී විජේරත්න වරකාගොඩ විසින්  මැණිකේ රත්නාවලි කැකුණවෙල ශීල්පිනිය විසින්ද නීරූපනය කරද්දී 

අප කථා නායකයා සැබැ දිවියේ ඇගේ එකකුස හොත් ආදරණිය දෙටු සොයුරා විය 

ඔහු එහි පෙරළිකාර කලහකාරී හිතුවක්‌කාර යා වු කදිරා නම් දාමරික වෙඩික්‌කරුවා ගේ හඞ ට ජීවය කවන ලද ප්‍රවිණ ජ්‍යෙෂ්ඨ ගුවන් විදුලි නාට්‍ය ශිල්පී නාට්‍ය පිටපත් රචක වික්‌ටර් මිගල් මහතාය

මෙතැන් සිට දිගැහැරෙන්නේ මේ අපුර්ව කලා ශිල්පියාගේ හා ඔහුගේ කලාලැදී පවුලේ සාමාජිකයන්ගේ  ජීවන ගමනේ මං සළකුණු බිඳකි

වර්ෂ 1923 අගොස්‌තු මස 20 දින දී මෙලොව ජන්ම දායදය ලද වික්‌ටර් මිගල් රැකියා කිහිපයක නිරත වීමෙන් අනතුරුව  කම්කරු දෙපාර්තුමේන්තුව ප්‍රධාන ලිපිකරු ලෙස කටයුතු කලේය පසුව ඔහු සමාජ සේවා අමාත්‍යංශයෙන්  සිය වෘත්තිය ට සමුදුන්නේය 

ඉන් අනතුරුව 80 දශකයේ මුල් භාගයේදී  එවකට මහවැලි සංවර්ධන ආමාත්‍ය ධුරය දැරූ ගාමිණි දිසානයකයන්ගේ ඇරයුමෙන් මහවැලි අධිකාරියේ මාධ්‍ය ඒකකය හා එක්‌ව  ඒ රජය විසින් මෙහෙයවන ලද දැවැන්තම ව්‍යාපෘතිය වු කඩිනම් මහවැලි ව්‍යාපාරයේ ප්‍රවර්ධන වෙනුවෙන් රත්මල්යාය නමින් නාට්‍යමය වැඩසටහනක්‌ නිෂ්පාදනය කරනු ලැබීය

ජන්මයෙන් සරසවි අසිරි ලද වාසනා ගුණය තුරුඵ කරගෙන ආ වික්‌ටර් මිගල් ජාතික ගුවන් විදුලියට සම්බන්ධවෙමින් එහි නාට්‍ය අංශයේ කටයුතු උදෙසා සිය දායකත්වය දැක්‌වුයේ 50 දශකයේ අවසන් භාගයේ එහි ඇරඹුනු කුරුඵ බැද්ද නම් සන්ධ්‍ය ගැමි නාට්‍යයේ බෙම්පි ආතා නම් වැඩිහිටි චරිතයක්‌ නිරූපරණය කරමිනි  

රැල් බුරැල් හැර සිය ගැඹුරු ස්‌වරය අවදිකළ ඔහුගේ ප්‍රතිභාව මානව විහිදාලමින් ගුවන් විදුලි ශ්‍රාවකයන් අතර සිය නාමය නොමැකෙන සේ සනිටුහන් කිරීමට හෙතම සමත්වුනේ සිය ආයතන ප්‍රධානින්ගේ නොමද කිත් පැසසුම් මධ්‍යයේය

60 දශකයේ මධ්‍ය භාගයේදී කුරුඵ බැද්ද කථාංග‍ය අවසන් වීමෙන් අනතුරුව ඊට ලැබුනු අසිමිත රසික ප්‍රතිචාර නිසා ඊට සමාන ව   මුවන් පැළැස්‌ස නමින් නව කථාංගයක් ගුවන් ගත කරවන්නට කටයුතු කලේ එහි පිටපත ලියු මුදලිනායක සෝමරත්නයන්  විසිනි  

පසුව හදිසියේ ඔහුගේ විදේශගත වීමේ ප්‍රතිඵලයක්‌ ලෙස ඇතිවූ පුරප්පාඩුව පුරවා දෙනු ලබන්නට ඉදිරිපත් වන්නේ ද වික්‌ටර් මිගල් ය
ඒ අනුව එතැන් සිට සිය දිවිමග චාරිකාව නිමකරන තෙක්‌ මුවන් පැළැස්‌සේ සියඵ පිටපත් රචනා කිරීමේ වගකීම ඔහු වෙත පැවරිණි 

එනැත් සිට මහත් සේ වෙහෙසවෙමින් සජිවීව ගැමි වහර සොයා යෑමෙන් නොනැවතී ඔවුන් අතර රැඳෙමින් ඒවා මනාව අධ්‍යයනය කළ හෙතම  එහි ආ ජනප්‍රියතම චරිතය වු වෙඩික්‌කාරයා ට ආරූඩව ඊට පණපොවන ලදී  පසුව එකී චරිතය කදිරා ලෙස වෙස්‌ගනු ලැබුයේද වික්‌ටර් මිගල් නම් මේ ශූර පිටපත් රචකයා - ගුවන් විදුලි නාට්‍යවේදියා විසිනි

20 සියවසේ මුල්යුගයේ ලාංකික වනගත ගැමි දිවිය පිළිඹිබු කල මෙම නාට්‍යයේ  ආ සෙසු චරිත අතර හාස්‍ය රසය කුඵගැන්වූ පිනා ගේ චරිතය  ලෙසත් වැඩිහිටි වෙදරාළ හෙවත් පසුව ගුරුන්නන්සේ ලෙසත් නැසිගිය ප්‍රවිණ නිවේදක ගැමුණු විජේසූරිය පණ පෙව්වේ සුදුසු පරිදි සිය හඞ විකෘතිකිරීමෙනි 

එහි වඩාත්ම කතාබහට ලක්‌වු සෙසු ප්‍රධානතම චරිත යුගලය වු ආරච්චිල පසුව කෝරළේ මහත්තයා වෙනුවෙන් පෙනි සිටියේ ප්‍රවිණ රංගනශිල්පී විජේරත්න වරකාගොඩයන්ය  සිය සැමියා වු මෙම ගම්මුලාදෑනියා හා නිරතුරු ගැටෙන ඔහුගේ භාර්යාව මැණිකේ ලෙස පෙනි සිටින්නට සිය කණිටු සොයුරිය රත්නාවලී කැකුණවෙල තෝරාගන්නා ලද්දේද වික්‌ටර් මිගල් ශිල්පියාණන්මය

මින් දශක 04 කට පමණ පෙරදී අඛන්ඩව සෑම සඳු දිනකම රාත්‍රි යාමයේ ගුවන් විදුලියෙන් විසුරුවා හැරි මෙම ගැමි කථාංගය වර්තමානයේ රූපවාහිනී රියෑලිටි  සුපර් ස්‌ටාර් වැඩසටහනක්‌ තරමට හෝ ඊටත් වඩා ඒයුගයේ ශ්‍රාවක සිත් එක පැහර ගෙන තිබිණි

දිවයිනෙන් වැඩිම කොටසක්‌ වත්මනෙහි මෙන් නාගරිකරණයට හසු නොවී ගැමි වටපිටාවක පැවති යුගයක මෙහි කියෑවුනු සිද්ධීන් ද ඒවා ඉදරිපත් කෙරුණු දෙබස්‌ ඛන්ඩ ද සිය එදිනෙදා දිවියේම පැතිකඩක්‌ ලෙස ශ්‍රාවකයන් විසින් වටහ ගෙන තිබීමම එය එතරම්ම ජනප්‍රසාදයක්‌ දිනාගන්නට හේතුවුවා විය හැකිය

මේ කථාංගයේ ගුවන් විදුලියේ විකාශය වෙමින් පැවති සමයේම එය පාදක කොටගෙන මුවන් පැළැස්‌ස නමින්ම සිනමා පට 03 ක්‌ තිරගත විනි ඒවා ද ගුවන් විදුලි නාට්‍ය ලද ගරු සැලකිලි සම්මාන ලැබුවද එකී චරිතයන් හා ජවනිකා සම්බන්ධයෙන් එතාක්‌ ශ්‍රාවකයන් සිය මනසේ මවා ගනිමින් පැවතුණු චිත්තරූපය ට සැලකිය යුතු හානියක්‌ සිදු නොවිනි යෑයි පැවසීම යුක්‌තියුක්‌ත නොවේ 

වික්‌ටර් මිගල් ශිල්පියා රාජ්‍ය සේවයේ  සිය වෘත්තිය වගකිම් නොපිරිහෙළා ඉටුකරමින් ඊට සමගාමිව මෙම අපුර්ව ගුවන් විදුලි නාට්‍යයේ ජවනිකා මවමින් ඊට පණපොවන්නට සමත් වි සිටියේ සිය කණිටු සොයුරිය ගේ ද නොමද කැපවීම හා දායකත්වය ලබමිනි

වික්‌ටර් මිගල්  ළබැඳි භාර්යාව බියටි්‍රස්‌ මිගල් ය මේ දොපොළට දුවා දරුවන් සත් දෙනෙකි ඒ සියල්ලෝ සිය පියාණන් ගේ නාමයේ මුලකුර වු වි යන්නෙන් නම් ලද්දෝය

ඒ පිළිවෙළින් මෙයාකාරයෙනි

විනීතා  - විජිත්  - විජයන්ති  - විශාඛා - විශ්වනාත් - විචිත්‍රා  හා විනෝලා
-----------------------
සේයාරුවේ වමේ සිට දකුණට

විනීතා - විජයන්ති - විශාඛා- විශ්වනාත් - විචිත්‍රා   - විනෝලා
------------------

එකී නාමයන් සමහරක්‌ එදා ගුවන් විදුලි ශ්‍රාවකයන්හට කිසිසේත් ආගන්තුක නොවීය 


ගුවන් විදුලි රගමඩල   - ළමා රංග පීඨය - කණිටු සරසවිය - ලන්දේසි දූපත - බෞද්ධ නාට්‍යය යන මේ වැඩසටහන් ශිල්පී නාමාවලිය දිගැහැරෙද්දී

ලන්දේසි දුපතේ  
අද චරිත නිරූපනයන්  ...............ලෙස   විනීතා මිගල් ................. විජයන්ති මිගල්  ..........................  විචිත්‍රා මිගල්

නිෂ්පාදනය මහින්ද අල්ගම  ........පිටපත කරුණාතිලක හඳුවල සමග සමන් අතාවුදහෙට්‌ටි......


සිය පියාණන් ගේ අනුග්‍රහය ලබමින් ඔහුගේ පෙළඹවීම මත ඔවුහු මෙකී ක්‍ෂේත්‍රයට අවතීර්ණව දස්‌කම් පෑවා යන්න මෙයින් යමෙකුට වැටහි යනු ඇත එහෙත් සත්‍යයය අනෙකකි

ඔවුන් අතරින් විජයන්ති සහ විනීතා සිය නැන්දණිය වු රත්නාවලි කැකුණවල ශිල්පිනිය ගේ  බලපෑමෙන් ඇය විසින් යොමු කරවන ලදුව ද විචිත්‍රා සිය දෙටු සොයුරිය වු විජයන්ති ගේ මග පෙන්විමෙන් ද  ගුවන් විදුලි ය වෙත පියනැගීය

ඔවුන්  සියලුදෙනාම එහි ළමා වැඩසටහන් කරා ආධුනිකයන් බඳවා ගන්නා නියමිත ක්‍රියා පටිපාටිය හා ක්‍රමවේදය අනුගමනය කරමින්  නිසි හඞ පරීක්‍ෂණයකින් සමත්ව එහි ඇතුළත් වුවෝ වෙති


ඉහත කී සාමාජිකාවන් අතරින් නාට්‍ය අංශයේ පෙළහර පෑමෙන් නොනැවතී එවක ලාංකීය ළමා ශ්‍රාවකයන් කුල්මත් කළ ළමා ගී ගායන ශිල්පීනියෙකු ලෙස අබිසෙස්‌ ලද  විචිත්‍රා මිගල් සිය අතීතාවර්ජනයක නිරත වු අයුරුයි මේ


මාව ගුවන් විදුලිය වෙත කැඳවාගෙන ගියේ අපේ විජයන්ති අක්කා  එහිදී තාත්තා එකහෙළාම කියා සිටියා එය හඞ පරීක්‍ෂණයකට යටත් කර එහි පැවති සම්ප්‍රදාය අනුවම සිදුවිය යුතු බව

මුලින්ම සහභාගි වුයේ  වෙළඳ සේවයේ සුමනා ජයතිලක මහත්මියගේ හඳමාමා ළමා අඩපැය වැඩසටහනටයි ඒ 1970 පමණ කාලයේ කුඩා දැරියක්‌ව එහිදි මා ඒ වැඩසටහන වෙනුවෙන් ගායනා කල ගීතය තැටිගත කරනු ලැබු අතර නිතර ගුවන් විදුලියෙන් ප්‍රචාරය වුනා


ලක්‌ පොළොවේ හැඩට පිපුණු පුංචි මලක්‌ මං................

පෙති විහිදා හිනැහෙන්නට පෙරම්පුරා බලා ඉන්න....................

ටික්‌කි ටිකිරි කැකුඵ මලක්‌ මං.........................


මේ ගීතය නිර්මාණය කලේ ගුවන් විදුලි වාදක මන්ඩලයේ ටියුලින් ජයරත්න අයියා විසින් ලියුවේ මට මතක ඇති පරිදි සුමනා ජයතිලක මහත්මියමයි 

------------------------------

මෙතැනින් සවන්දෙන්න


(සංස්‌කාරක සටහන  - තාක්‍ෂණික දෝෂයක්‌ නිසා සම්පුර්ණ ගීතය වාදනය නොවිම සම්බන්ධයෙන් කණගාටුව ප්‍රකාශ කරමි එය හැකි ඉක්‌මනින් නිවැරදි කරමි)


පසුව තාත්තා පැවසු ලෙසම ඉහත කී හඞ පරීක්‍ෂණයෙන් සමත්ව ළමා පිටියේ වැඩසටහන් සඳහා සහභාගි වුනා ඒ සිගිති චරිත නිරූපනය කිරීම පිනිස  

මේ කාලයේ මම බම්බලපිටියේ ලින්ඩ්සේ බාලිකාවේ අධ්‍යයනය කටයුතු වල නිරත වෙමින් සිටියා පාසල අවසන් වු වහාම යන්නේ ටොරින්ටන් ‍පෙදෙසේ ගුවන් විදුලි කාර්යාලයටයි

මාව මුලින්ම එහි නාට්‍යයන් හි පෙනි සිටිම සඳහා යොමුකරන ලද අප අතරින් සමුගත් මහින්ද අල්ගම අයියා මේ අවස්‌ථාවේ ගෞරවයෙන් සිහිපත් කළ යුතුයි


නාට්‍ය අංශයේ පී වැලිකල මහතා නිෂ්පාදනය කළ බෞද්ධ නාට්‍යය කරුණාතිලක හඳුවල නිෂ්පාදනය කල ලන්දේසි දූපත රහස්‌ පරීක්‍ෂක ළමා නාට්‍යය යන මේවාට අමතරව සුගතපාල ද සිල්වා මහතා ගේ ගුවන් විදුලි රගමඩලේ චරිත සඳහද මා අඛන්ඩව පෙනී සිටියා

ඊට අමතරව ළමා සංගීත සංධ්‍යාව සඳහා ගීත ගැයීම සිදුකළා ඒ 70 දශකයේ මැද භාගයේදී පමණ මේ මා ඒ යුගයේ ගැයු තවත් ජනප්‍රිය ගීතයක්‌ මෙය ලියා දුන්නේ  නැසිගිය තලංගම ප්‍රේමදාසයන් සංගීතය නිර්මාණය කලේ අයිවෝ ඩෙනිස් මහතා විසින්

රාං කිරිල්ලි රාං කිරිල්ලි රාං කුරුල්ලා කොයි ...........

අර වෙල් යායේ මේ වෙල් යායි සිංදු කියා නටතෙයි ................

සිංදු කියා නටතෙයි තෙතෙයි තෙයි සිංදු කියා නටතෙයි ......................

---------------------

මෙතැනින් සවන්දෙන්න


ඒ කාලයේ තිබුනු එකම විද්යුත් මාධ්‍යය වු ගුවන් විදුලියේ ළමා වැඩසටහන් හි මගේ නම නිතර ඇසෙන්නට විම නිසා පාසලේද මගේ මිතුරියන් හා ගුරුවරුන් අතර මා පිළිබඳව නිතර කථා බහට ලක්‌වුනා

පසු කලෙක ආනන්ද සිරිසේන මහතා ගේ මිටියාවතේ ගීතය නම් නාට්‍යමය වැඩසටහනේ චරිත නිරූපනය කලේ පසුකාලීනව  80 දශකයේදී ඒ යුගයේ මා මිලාගිරිය සාන්ත පාවුඵ බාලිකාවේ සිසුවියක්‌ ලෙස අධ්‍යාපනය හදාරමින් සිටියා

පසුව ලංකාවේ ජාතික රූපවාහිනිය ආරම්භ කල මුල්යුගයේ එහි සේවය කල සිනමාවේදී ටයිටස්‌ තොටවත්ත මහතා මුල්වරට උසස්‌ ගණයේ කාටුන් වැඩසටහන් තෝරාගෙන ඒවා සිංහල හඞකවා විකාශය කිරිමේ ව්‍යාපෘතියක්‌ දියත්කර තිබුනා මුල් යුගයේ ඒ සඳහා පහසුකම් සපයා ගනු ලැබුවේ රජයේ චිත්‍රපට අංශයේ මැදිරි උපයෝගි කරගෙනයි 

එවකට ළමා වියේදී ගුවන් විදුලියේදී ලබාගත් පුහුණුව හා අත්දෑකිම් සම්භාරය සමගින් මා ඒ වැඩසටහන් වල පුරෝගාමි හඞකැවීම් ශිල්පිනියක්‌ ලෙස කටයුතු කළා ඔහුගේ ගලිවරයන්ගේ සුවිසැරිය හි පුංචි කුමාරි චරිතයට මා වඩාත් ප්‍රියකරනවා ඔහුගේ දොස්‌තර හොඳහිත සැකිළි රූ පෙළේ දියරකුස්‌ චරිතය හඩමුසුකලේ මගේ පියාණන් විසින්

ඒ අතීත අත්දැකීම් ඉතා සුන්දරයි 

පසුව විවහපත් ව නිවසේ වැඩකටයුතු සඳහා යොමුවන්නට සිදුවිමෙන් මා ක්‍ෂේත්‍රයෙන් බැහැරව යන්නට සිදුවුනා

මගේ පියා නැන්දනිය මා ඇතුළ අප පවුලේ සාමාජිකාවන්ගේ දස්‌කම් විස්‌කම් එදත් අදත් අගය කළ කරන අපේ ගුවන් විදුලි ශ්‍රාවකයන් වෙත අප පවුල වෙනුවෙන් මගේ ස්‌තුති පුර්වක ප්‍රණාමය පිරිනමන්නට කැමතියි

ස්‌තුතියි

(විශේෂ ස්තුතිය) -

ප්‍රවිණ නිවේදිකා මාලා වජිරා පෙරේරා මහත්මිය


විචිත්‍රා මිගල් මහත්මිය

02 August 2017 - ගී මුතු මාලා බ්ලොග් නිර්මාණ